February 1, 2024

Nqailug Rua Nubnua

“Rua qhov peb tsi tawmtsaam tuabneeg, tabsis peb tawmtsaam tej dlaab kws nyob sau nruabntug, tsi has cov thawjcoj, tej kws muaj fwjchim, hab tej fwjchim kws kaav taam tsausntuj nua. Yog le ntawd nwgnua mej yuav tsum muab Vaajtswv tej cuabyeej lug naav hab tuav. Yog mej ua le ntawd thaus dlaab ntxwgnyoog lug tawmtsaam mej, mej yuav kovyeej. Thiab thaus tej kev tawmtsaam ntawd dlhau lawm, mej tseem yuav nyob khov kho le qub.” — Efexaus – Ephesians 6:12-13

Xaav Txug Tejlug Rua Nubnua

Muaj pestsawg zag ca le ua rua peb novqaab txug tas peb muaj kev sis tawmtsaam nrug saab ntsujplig? Peb tug yeebncuab taabtom haubntxag peb – ntau zag peb xaav has tas, txujkev dlaagntxag hab teebmeem pluj moog lawm. Tabsis nwg tseem nyob rua ntawd, nwg tseem ibsij tawmtsaam nrug rua peb lub homphaj hab tej kws peb npaaj ntawd kuas tsuag moog. Paulus qha kuas peb ncu quasntsoov txug Vaajtswv tej cuabyeej kws muab rua peb hab sawv khovkho tawm tsaam dlaab ntxwgnyoog.

Kev Thov Vaajtswv

Tug Tswv kws muaj kev hlub, tug tsomkwm thaus kuv muaj kev sis tawmtsaam nrug txujkev phem lug ntawm koj lub fwjcim luj kawgnkaus. Thov pub lub zug luj zug nchav kuas kuv muaj yeej. Paab kuv sawv khovkho tawmtsaam tug kws tawmtsaam kuv hab qha kuas kuv muaj txujkev ntseeg rua huv koj. Lug ntawm Yexus kuv tug TSWV hab tug Cawmseej kuv thov. Amees.