February 5, 2024

February 5, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Rua qhov mej yeej paub lawm has tas, Vaajtswv tub txhwv mej dlim tej cai kws mej yawmkoob qha rua mej lawm. Yaam kws Vaajtswv muab txhwv mej tsi txawj luv nqe le nyaj hab kub. Yaam ntawd yog Yexus Khetos tug kws tuag sau ntoo khaublig cov ntshaav kws muaj nqes heev. Yexus Khetos zoo ib yaam le tug mivnyuas yaaj kws tsi muaj ib qho phem kws tuabneeg muab tua theej txhoj..— 1 Ptus – Peter 1:18-19

Xaav Txug Tejlug Rua Nubnua

Xaav txug tej yaam kev sis thaam ntawm ib cov timtswv sau ceebtsheej hab koj thaus nwg nug koj txug koj lub neej qhov Vaajtswv kev txhwv koj dlim.

Timtswv: “Nwg raug tug nqes npaum lecaag?”

Koj: “Dlaabtsi nua? Nuav yog yaam qub thaus u lawm? Lub naab pobtxhaas, hab cov ntshaav, hab cov hlwb? Lub nplawv hab kev xaav hab tug ntsuj kws nyob huv saab nruabnrog?”

Timtswv: “Yeah! Nwg raug tug nqes npaum lecaag?”

Koj: “Nwg raug tug nqes ntau tshaaj plawg kws yog yaam khoom lug sau ceebtsheej pub lug txhwv koj hab rua kuv taagnrho!”

Ntawd txhaj yog qhov nqe kws Vaajtswv xaav txug koj hab kuv, cov phem huv Yexus raug.  Nwg yog ib qhov txhwjxeeb! Vaajtswv txhwv peb ntawm tug nqes kim kawg nkaus rua nwg rua qhov vim nwg txuj kev hlub hab taabncuab rua koj hab kuv.  1 Kauleethaus 6:20 txhaj le has le nuav “Vaajtswv tub txhwv mej kim kim kawg le, yog le ntawd mej yuav tsum tswj mej lub cev Vaajtswv txhaj le tau koobmeej. 

Kev Thov Vaajtswv

Kuv Txiv, tug muaj Fwjchim kuv txaav lug cuag koj,  Thov zaam kuv lub txim rua qhov kuv txaav kuv tug kheej rua huv txuj kev txhum,   Ua koj tsaug rua koj txuj kev hlub kws luj kawg nkaus kws koj muaj rua kuv. Lug ntawm koj tug Ntsujplig Dlawbhuv, thov paab kuas kuv ua tau lubneej muaj nqes rua koj pum huv kuv. Huv Yexus lub npe, tuabtug txhwv tau kuv, kuv thov Amees.