February 12, 2024

January 12, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Tej kev kws sim mej sab tsuas yog tej kws suavdlawg yeej ib txwm muaj lug lawm xwb. Vaajtswv yog tug ncaajnceeg, nwg yuav tsi pub mej raug tej kev sim sab kws mej nyaj tsi taug. Thaus mej raug tej kev sim sab, Vaajtswv yuav paab mej ua taug sab ntev mej txhaj yuav nyaj taug dlhau.— 1 Kauleethaus Corinthians 10:13

Xaav Txug Tejlug Rua Nubnua

KEV SIM SAB .. Peb txhua tug nyag yeej yuav muaj nyag ib qhov kev sim sab. Ntxwgnyoog lub motxiv ua lug tua peb tug kheej. “Tsi muaj ibtug yuav paub txug; hab thaus lub motxiv ntawd raug yug lawm tes lwm tug yuav tsi mob!” tej lub suab nrov kuj yog huv lub suab ntxhi. Txawm yog lub suab ntxhi ntawd yog ibzaaj muaj tseeb, lossis tej ntawd tsi muaj tseeb, tabsis kuas peb paub tseeb has tas, tej kev ntxhi ntawm yog lug hem kuas peb poobsab xwb. Yog le ntawd thaus muaj kev sim sab txawm yuav nyaav yuav sib los tsi xob xaav tas tej ntawd nyaav rua yug heev.  Dlua ibsaab tes thaus muaj kev sim sab lug txug, ncu ntsoov has tas, Vaajtswv paab tau hab lug ntawm nwg tug Ntsujplig Dlawbhuv lub fwjchim koj yuav muaj yeej. 

Kev Thov Vaajtswv

Vaajtswv tug nyob Sau Ceebtsheej, thov tswj kuv lub sab thaus kuv muaj kev sim sab lug txug vim tej ntawm yog lug ntawm ntxwgnyoog.  Lug ntawd koj kev hlub hab huv koj txujlug yuav ua rua kuv kovyeej ntxwgnyoog tej kev sim sab kws yuav lug thau kuv tawm ntawm koj. Thov Koj tsomkwm hab paab kuv. Kuv thov huv Yexus Khetos lub npe. Amees.