February 15, 2024

February 15, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Tug kws tsi muajsa tug ntawd yeej tuag lawm. Ib yaam nkaus le ntawd txujkev ntseeg kws tsi muaj haujlwm, txuj ntawd tsi muaj nqes dlaabtsi hlo le.” (Yakaunpaus – James 2:26)

Xaav Txug Tejlug Rua Nubnua

Nwg yuav zoo lecaag rua lubcev kws lubneej tsi ntsujplig?  Lubcev kws tsi muaj ntsujplig yog lubcev tuag.   Lubcev yog qauv qha koj kev ntseeg.  Ntawd yog yaam koj muaj, hab yog koj tsi muaj Vaajtswv tug ntsujplig nyob huv koj, ces koj tsi muaj txujsa.   Yog lubcev tsi muaj ntsujplig puas yuav zoo? Yuav zoo lecaag rua kev ntseeg tsi muajsa?

Yog muaj tuabneeg tuag, dlaabtsi tsuas yuav ua rua tug ntawd ca rovlug hab ua dlejnum tau?  Puas yog nwg yuav tsum ua muajsa ua ntej? Kuv puas yuav muab nwg txhais npaab tsaa hab tuav nwg sawv kuas nwg moog kev.  Yog kuv ua le ntawd yuav zoo dlaabtsi rua nwg. Rua qhov nwg ua taug haujlawm, nwg moog taug kev, nwg rov muaj txujsa.  Yog nwg tau txais txujsa hab pib taug kev moog lug, tej nuav puas yuav yog yaam ua rua nwg muajsa? Tsi, nwg moog tau vim nwg muaj txujsa.  Qhov nwg ua num tsi yog qhov ua rua nwg muaj txujsa.  Nwg yuav ua tsi tau haujlwm yog nwg tsi muaj txujsa. Thaus nwg muaj txujsa, ces nwg txhaj ua haujlwm tau. Hab yog le ntawd thaus peb muaj Ntsujplig, peb muaj txujsa hab ua num.    

Kev Thov Vaajtswv

Vaajtswv tug muaj fwjchim, thov pub kuas kuv muaj zug npo lug ua koj tegnum rua qhov kuv tseem muaj txujsa, thov koj tsomkwm kuv hab roograwv kuv kuas kuv yog tug muajsa hab ua tau koj tegnum rua qhov zoo. Yog tsi muajsa lawm tes, kuv yuav ua tsi tau dlaabtsi rua koj. Kuv thov huv Yexus Khetos lub npe, Amees.