February 24-25, 2024

February 24-25, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Daviv teb has tas, Koj nqaa muv, nqaa ntaaj, hab nqaa vuam tuaj tawmtsaam kuv, tabsis kuv tuav tug TSWV muaj fwjchim luj kawg nkaus kws yog ib tsoom tuabneeg Ixayees tej tubrog tug Vaajtswv kws koj saib tsi taug, lub npe tuaj tawmtsaam koj. Nubnua tug TSWV yuav muab koj cob rua kuv txhais tes. Kuv yuav tua yeej koj hab yuav txav koj lub cejdlaab. Kuv yuav muab cov tuabneeg Filitees tej tubrog lub cev rua noog hab tsaj noj. Thaus muaj le ntawd lawm tej tuabneeg nplajteb yuav paub has tas, ib tsoom tuabneeg Ixayees muaj Vaajtswv. Txhua leej kws nyob ntawm nua puavleej yuav pum has tas, tsi taag tug TSWV yuav siv ntaaj siv muv txhaj cawm tau nwg haiv tuabneeg dlim. Tug TSWV yog tug muaj yeej huv tshaavrog, nwg yuav muab mej txhua leej cob rua peb lub xibteg.” 1 Xamuyees Samuel 17:45-47 

Xaav Txug Tejlug Rua Nubnua

Lubneej nyob yeej nyob rua huv tshaavrog, hab puvnpos kev sis ntau sis tua. Nwgnua yaam koj tseem taabtom sis tawmtsaam yog dlaabtsi? Muaj kev covnyom nrug lwm tug?  Teebmeem kev sis kom sis foob? Txhawjxeeb txug kev laagluam hab nyajtxawg? Tug yug hlub sis tso tseg?  Vim lecaag txhaj tsi muab tej nuav tso rua le Vaajtswv Txujlug has.  Tsivdlim Exodus 14:14 has tas, “Tug Tswv has tas, kuv tawmtsaam rua koj.” Yelemis Nehemiah 4:20 has tas, “Peb tug Vaajtswv yuav tawmtsaam rua peb.” Thaus tug tubhluas Daviv tawmtsaam Kauli-am, nwg has tas,  “kev tawmtsaam yog tug Tswv le” (1 Samuel 17:47).

Tug timthawj Paulus has tas, “Tabsis tsimnyog ua Vaajtswv tsaug, tug muab rua peb muaj yeej lug huv peb tug Tswv Yexus Khetos” (1 Kauleethaus Corinthians 15:57).  Tug timthawj Yauhaas has ntxiv tas, “tug kws nwg yug rua huv Vaajtswv tub kovyeej lub nplajteb. Hab nuav yog kev muaj yeej kws ua rua peb kovyeej lub nplajteb-peb kev ntseeg ” (1 Yauhaas  John 5:4).

Tsi xob noog zoo le tsi muaj tug paab hab tsi muaj chaw casab.  Koj muaj ibtug Cawmseej tug yuav tawmtsaam rua koj, nwg yuav yog tug saib taagnrho kev sis tawmtsaam, hab yog tug yuav pub kuas muaj yeej. Casab rua Nwg rua qhov nwg yog tug Vaajtswv muaj meejmom, tug Tswv muajzug hab muaj fwjchim, rua qhov peb yuav kovyeej lug huv Nwg tug kws hlub peb.

Koj tsi yog yuav sis tawmtsaam kuas muaj yeej—koj yog tug sis tawmtsaam ntawm kev muaj yeej.  Kev sis ntau sis tuaj tub muaj yeej lawm!

Kev Thov Vaajtswv

Vaajtswv tug muaj fwjchim hab tug muaj txujsa ibtxhis, Ua koj tsaug kws koj pub rua peb muaj yeej huv tshaavrog.  Ua tsaug kws koj muab rua peb muaj yeej huv Yexus Khetos tug koj muab lug ua tug nrug peb tawmtsaam.  Ua tsaug rua koj muab kev muaj yeej kws ua rua peb ca sab tau huv peb txuj kev ntseeg—koj cov lug has yog qhovtseeb kws peb ntseeg tau, khov kho, hab tso sab tau huv huv koj txujlug. Huv Yexus Khetos lub npe kws muaj fwjchim, kuv thov. Amees.