Hmong Baptist National Association

February 26, 2024

—

by

HBNA Editor
in

February 26, 2024
Nubnuav Nyeem-Kawm Vaajtswv Txujlug

 

Nqailug Rua Nubnua                                                         

“Tabsis Vaajtswv hlub peb kawg nkaus le. Txawm yog peb zoo le cov tuabneeg kws tuag lawm vim qhov kws peb tsi noog Vaajtswv lug los, Vaajtswv tseem ua rua peb rov muaj sa, ib yaam le peb nrug Yexus Khetos sawv huv qhovtuag rov qaab lug. Nwg yog hlub mej mej txhaj tau kev cawmdlim.” — Efexaus Ephesians 2:4-5

Xaav Txug Tejlug Rua Nubnua

Peb tsi muaj qhov yuav lug khaav tau tas kuas Vaajtswv yuav tau hlub peb, leeg paub peb, lossis hu peb tas nwg cov mivnyuas! Peb tsi muaj caij kuas Vaajtswv cawm peb rua qhov vim peb ua ncaajnceeg!  Peb tsi muaj fwjchim ntawm peb tugkheej tas peb cawm tau peb dlim kev pluj kev tuag ntawm peb lubcev kws luaj yog aav nua!   Tsuas yog Vaajtswv tug hlub peb txhaj coj tau peb moog txais kev cawm hab muab txujsa rua peb. Tsuas yog Vaajtswv kev taabncuab muaj rua peb huv Yexus txhaj zaam txim tau rua peb. Tsuas yog Vaajtswv kev hlub coj peb moog txais kev cawmdlim hab pub rua peb muaj chaw ca sab. Tsuas yog Vaajtswv qhov khoomplig kws yog Yexus Khetos ua rua peb dlim ntawm txuj kev pluj kev tuag huv txuj kev txhum. Tabsis peb qhuas Vaajtswv “nwg txuj kev hlub luj kawgnkuas rua peb”  hab “nwg txujkev muaj pluasmas taabncuab” rua peb. Rua qhov ntawm Vaajtswv, peb raug tsim “muajsa hab paub tseeb tas yog txujsa kws tseemceeb” rua peb. (Kaulauxais Colossians 4:1-3).  Qhov peb ua taug paas dlua yog lug ntawm Vaajtswv kev hlub, nwg yuav tsi muaj ibyaam dlaabtsi tseemceeb tshaaj le qhov peb has “Hallelujah!” hab  “Ua Koj Tsuag!”.

Kev Thov Vaajtswv

Koj kev hlub, kev taabncuab, kev tshuas muaj lug cawm peb, peb yuav ua dlaabtsi rua koj tshaaj le qhov peb qhuas koj?  Peb yuav ua dlaabtsi them rov rua koj ntawm qhov kev hlub peb? Kev sab ntev, kev hlub hab kev ncaajnceeg lug theej peb lub sab lub nplawv hab ua rua peb rov muaj txujsa. Peb yuav nrhav pum koj txujlug has lossis tegnum qha peb tas koj hlub peb kawg nkaus le.  Leejtxiv, kuv ua koj tsaug rua txhua yaam kws koj tau ua rua kuv huv koj txujkev hlub, kev taabncuab hab tshua. Huv Yexus lub npe kuv thov, kuv qhuas hab muaj lug ua koj tsaug. Amees.