March 1, 2024

March 1, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Mej tub leeg yuav Yexus Khetos ua mej tug Tswv lawm, mej yuav tsum ua mej lub neej kuas phim qhov kws mej nrug nwg koom ib txugsa.  Mej yuav tsum nyob khov kho yaam nkaus le tug caag ntoos ntsa aav tub tub.  Hab coj mej lub neej ruaj nreeg yaam nkaus le lub tsev kws tej ncej txhus tub tub. Mej yuav tsum muab sab rau ntseeg lawv  le luas tub qha rua mej lawm, hab ncu ntsoov ua Vaajtswv tsaug.— Kaulauxais Colossians 2:6-7

Xaav Txug Tejlug Rua Nubnua

Yexus yog kuv tug TSWV, hab peb tug TSWV, Yexus yog peb qhov chaws nruabnraab!  Nwg yog tug rwg khi rua peb tig moog tig lug.  qhov ntawd yog peb tsi xob sim ntxiv Yexus rua lwm yaam tseemceeb, Txujlug ceebtoom tas tsuas yog nwg tuableeg yog tug TSWV  (Tsimdlim Exodus 3:1-6; Yauhaas John 20:28; Titaus 2:13). Peb yuav tsum kawm leeg paub nwg hab ca sab rua nwg vim peb yog ibtug mivnyuas kws muaj kev ntseeg, ibtug mivnyuas zoo le muaj kev ntseeg yuav tsum tau zaub mov noj sub txhaj luj hlub moog rua qhov noog nwg lug hab ua lubneej zoo le Vaajtswv lub (2 Petus 1:3-11, 3:18).  Yog has tas, Yexus tseem nyob nruabnraab huv peb kev ca sab hab huv peb lub sab yuav ua rua peb txawj ua Vaajtswv tsaug rua nwg txuj kev hlub, peb kev ntseeg yuav txhawb tau peb lub zug, peb yuav txawj ua Vaajtswv tsaug ntxiv, hab peb yuav hloov paub tau peb kuas peb ua tau lubneej zoo le nwg lug ntawm tug Ntsujplig Dlawbhuv ua tug coj  (2 Kauleethaus Corinthians 3:18; Kalatiasn Galatians 5:22-23).!

Kev Thov Vaajtswv

Vaajtswv tug dlawbhuv hab ncaajnceeg, thov qheb hab pub kuas kuv lub qhovmuag pum yaam twg yog yaam zoo hab yaam twg yog yaam phem. Thov koj pub lub laajtim tswvyim paub qaab paub hau kuas kuv txavtxim sab moog rua qhov yog.  Thov pub fwjchim kuas kuv ua lubneej muaj tug caag dlawbhuv huv Yexus le yog kuv tug TSWV hab kuas kuv txawj qhuas koj. Kuv thov fwm hab txhawbqaa koj le koj yog tug TSWV kuas tsimnyog qhuas moog ibtxhab ibtxhis hab huv koj tug fwjchim ntawm tug Ntsujplig Dlawbhuv. Amees.