Hmong Baptist National Association

March 4, 2024

—

by

HBNA Editor
in

March 4, 2024
Nubnuav Nyeem-Kawm Vaajtswv Txujlug

 

Nqailug Rua Nubnua

“Thaus Yaunas tseem nyob huv ntseg plaab, Yaunas thov tug TSWV kws yog nwg tug Vaajtswv lae nua has tas, Tug TSWV es, thaus kuv txomnyem lwj sab ntsuav, kuv tsaa suab hlo hu koj, koj teb kuv tej lug thov. Kuv nyob puag huv tub tuagteb, kuv quaj qw thov koj paab, koj nov kuv lub suab thov.”— Yaunas Jonah 2:1-2

Xaav Txug Tejlug Rua Nubnua

Yaunas tsi noog lug, txeevsab, pum txug nwg tugkheej hab saib ntsejmuag.  Nwg xum tsiv tug Tswv tshaaj le moog pum cov tuabneeg nwg ntxub kws Vaajtswv xaav kuas puab hloov sab.  Nwg tau nrhav kev tsiv tug TSWV lu lug has hab tso lug kuas nwg moog qha cawm hab kuas cov tuabneeg huv lub nroog Nenaves tso kev txhum tseg rua qhov Vaajtswv chim rua puab tej kev txhum kws puab ua.  Nwg txhaj nrhav tsiv moog nraag ntug havtxwv es yuav tsiv moog rua lwm qhov.  Txawm nyob rua ntus kws ntxeevsab, nwg xaav has tas, ntshais Vaajtswv yuav tsi nrhav hab tso nwg dlim. tabsis Vaajtswv pum nwg hab paub tas nwg ua lecaag nwg tub tsiv Vaajtswv lawm, Vaajtswv has tas, yog nwg tig rov lug ntawm qhov nwg zais kev txhum kws ua nkaumkoog lossis nwg txaajmuag rua nwg tsi ua lawv le Vaajtswv hu nwg huv nwg lubneej Vaajtswv tseem hlub nwg, thov ncu txug le nuav:  Tug TSWV xaav tau koj, xaav ntsib koj, xaav siv koj kuas koj moog ua yaam zoo rua nwg kuas nwg tau koobmeej, hab lwm tug tau kev cawm puab txujsa! Rov lug cuag tug TSWV txhais tau has tas,  tseg kag yaam koj ua tsi zoo. Nwg ua sab ntev tog txais koj rov qaablug. Hab yaam nkaus le Yaunas lubneej qha pum, koj kev cawm dlim yog qhov koobmoov rua koj hab txhua yaam kws Vaajtswv xaav ncaav cuag hab ntsib lwm tug lug ntawm koj!

Kev Thov Vaajtswv

Leejtxiv tug ncaajnceeg hab Dlawbhuv, thov zaam txim rua kuv lub sijhawm kws kuv txeevsab tsi ua lawv le koj lub sab nyam. Thov paab kuas hab mujb lub zug luj zug nchaav kuas kuv kov yeej kev simsab. Huv koj txuj kev hlub, thov paab kuv kuas kuv ua tau lubneej lawv le koj xaav tau kuas  kuv ua hab txaav tawm huv txuj kev txhum. Huv Yexus lub npe, Kuv Thov. Amees.