March 5, 2024

March 5, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Cov mivnyuas es, kuv sau tej nua tuaj qha mej, mej txhaj le yuav tsi ua txhum, tabsis yog leejtwg ua txhum peb muaj ib tug thov Leejtxiv paab peb, tug ntawd yog Yexus Khetos tug kws ncaajnceeg.  Yexus Khetos yog tug kws tuag theej peb lub txhoj, Vaajtswv txhaj zaam tau peb lub txim. Tsi yog zaam rua peb xwb, tabsis nwg zaam rua txhua haiv tuabneeg huv tuabsi hab.” 1 Yauhaas – John 2:1-2

Xaav Txug Tejlug Rua Nubnua

Yauhas xaav tivthaiv tug tuabneeg txhum kws nwg hlub hab nrhav kev fwm Yexus.  Nwg nyuaj sab vim nwg paub txug tas ib tug ua txhum kws yog Xataas ntxeevtxag hab kuas nwg swb hab mob lwm tug. Peb yuav tsum paub txug tas peb muaj tug Cawmseej hab tug tivthaiv.  Tug Cawmseej nuav, tug Tivthaiv nuav, them qhov nqe txhiv peb. Nwg xaa nwg tug Ntsujplig lug paab peb kuas peb kovyeej txuj kev txhum lub fwjchim. Nwg yog tug muaj lub sab kublug nrug Leejtxiv hab paub tas, nwg zaam txim rua peb hab tsim peb kuas dlawbhuv hab kuas peb yog Nwg tug!

Kev Thov Vaajtswv

Txiv, kuv tsi muaj zug hab tsi muaj cuabkaav lug cuag koj vim txuj kev txhum. Qhov ntawd ua rua kuv txaajmuas, kuv ua koj tsaug kws koj muab Yeus rua kuv, ua txuj kev kuas tau kuv rov qaab lug cuag koj ntawm koj kev ncaajnceeg kws koj muaj. Yexus, kuv ua koj tsaug rua qhov koj lug cawm kuv hab ua tug tawmtsaam rua kuv. Kuv yuav tsi ca Xataas kovyeej kuv thaus kuv dlawm hab qaug.  Huv koj lub npe, Tswv Yexus, tug tivthaiv ncaajnceeg, Kuv thov. Amees.