March 9-10, 2024

March 9-10, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Cov tuabneeg kws vaamkhom qhov kws puab coj lawv le  Txuj kevcai, cov tuabneeg ntawd tub raug foom tsi zoo lawm. Rua qhov muaj lug sau ca rua huv Vaajtswv phoo ntawv has tas, Yog leejtwg tsi ua lawv le txhua nqai kws sau ca rua huv Txuj kevcai, tug ntawd tub raug foom tsi zoo lawm. Yog le ntawd peb paub tseeb has tas, tug kws xyum coj lawv le Vaajtswv txuj kevcai tsi yog tug kws Vaajtswv coj lug nrug Vaajtswv sib raug zoo. Rua qhov muaj lug sau ca rua huv Vaajtswv phoo ntawv has tas, Tug ntseeg kws Vaajtswv coj lug nrug Vaajtswv sib raug zoo, tug ntawd yuav caj sa.”— Galatians 3:10-11

Xaav Txug Tejlug Rua Nubnua

Ua tsaug, Vaajtswv muab rua peb yog yaam khoom theej tau peb lub txhoj kws ua rua peb ua tau ncaajnceeg hab them peb txuj kev txhum rua qhov peb tsi muaj leejtwg yuav coj tau Vaajtswv txujkev zoo tag tag.  Huv nwg txujkev hlub kws muaj npuvnpo, Vaajtswv tau xaa Yexus lug ua tegnum kws peb ua tsi tau: ua neej nyob kaajsab lug, tsi ua txhum, hab nwg muab nwg tugkheej ua yaam khoom fij txhiv peb txuj kev txhum, ntxeev sab hab tawmtsaam.  Peb tsi taag yuav nyob huv qaab kev ua zoo hab kuas Vaajtswv leeg txais yuav peb. Dlua le yog peb ua neej lug ntawm “Kev ntseeg,” kuv ruaj sab tas Vaajtswv yuav saib lug rua peb huv Yexus Khetos txuj kev ua tav log rua peb sau ntoo khaublig, tsi yog peb txuj ua tau zoo. Peb ca sab tas Vaajtswv yuav txavtxim peb lawv le Yexus txuj kev ncaajnceeg hab tsi yog peb txuj kev ncaajnceeg hab nwg pum peb ncaajnceeg nyob huv Nwg tug tub kev ncaajnceeg hab tsi yog peb kev ncaajnceeg. Txuj kev nua, peb puvnpos txuj kev ncaajnceeg kws lug huv txuj kevcai txuj kev ntseeg lub fwjchim ntawm tug Ntsujplig Dlawbhuv kws yuav tsi muaj raug “foom tsi zoo huv txujcai.”

Kev Thov Vaajtswv

Vaajtswv tug muaj Fwjchim hab tug Dlawbhuv Tshaaj, ua koj tsaug rua koj npaaj cawm peb lug ntawm koj kev hlub kws yuav peb rov qaab rua koj tawm txuj kev txhum hab kev tuag hab muab txuj kev muaj feem lug cuag koj. Ua tsaug, leejtxiv, rua Yexus txuj kev ua zoo hab dlawbhuv hab txuj kev hlub kws muaj nwg tugkheej ua qhov khoom theej kev txhum. Ca koj cov lug hab kuv txuj kev ua neej qha koj txuj kev hlub tawm huv kuv lub sab tuaj hab pum txug kev ntseeg tseeb kws hloov kuv lubneej. Huv Yexus lub npe, Kuv thov hab kuv qhuas koj. Amees