March 12, 2024

March 12, 2024
Nubnuav Nyeem-Kawm Vaajtswv Txujlug

Nqailug Rua Nubnua

“ Kuv txhaj le has tas, lub ntuj es, ca le qeeg nkawg ua zug koog vim tej xwm phem nua, ca le poobsab nthaav tej nag twv. Rua qhov kuv haivneeg ua ob yaam kev txhum. Puab tso kuv tug kws yog lub qhov dlej txhawv kws muaj dlej ntshab tseg, puab moog khawb puab qhov tshij, tabsis tej qhov tshij ntawd dlej saus taag lawm.”— Jeremiah 2:12-13

Xaav Txug Tejlug Rua Nubnua

Koj yuav tig moog cuag leejtwg thaus koj tug ntsujplig qhuavsab qhawv?  Kuv ruaj sab rua kev ntseeg, coob tug muaj yees rua puab tug xeebceem hab kev txhum kws thaus xaus yuav coj puab moog txug rua tej yaam kws yuav ua rua lub sab qhuavqhawv vim puab tsi nrhav Vaajtswv. Nwg yog tuableeg kws yuav yog qhovkeeb rua peb nrhav txujsa kws yog thaus kawg yuav txaus sab rua yaam peb qhuavsab qhawv, hab npuv npos rua yaam peb nrhav ntawd. Ca le rau sab ntso nrhav Vaajtswv, paub nwg hab yog tuab txujkev kws yuav cawm tau peb tug ntsuj. Txhua yaam tsaam peb kub sab lug rua huv Vaajtswv yuav ua rua peb lub sab qhuavqhawv ntawd pluj hab yuav tau txais cov dlej kws peb tug ntsuj xaav tau!

Kev Thov Vaajtswv

Ua tsaug, O Vaajtswv, rua koj kev coj kuv tug ntsuj kws nqhes cov dlej ntshabsi rua thaus kuv nqhes. Ua koj tsaug koj muab rua kuv ntawm koj cov dlej cawmsav lug ntawm tug Ntsujplig Dlawbhuv. Paab kuv kuas kuv pum yaam zoo kws koj npaaj rua kuv haus es ua rua kuv laajsab ntxag. Hab kuv qhov nqhes ntawd ua rua kuv tau haus yaam txaus sab hlo. Huv Yexus lub npe, kuv thov tejnuav. Amees.