Hmong Baptist National Association

March 15, 2024

—

by

HBNA Editor
in

March 15, 2024
Nubnuav Nyeem-Kawm Vaajtswv Txujlug

 

Nqailug Rua Nubnua

“Mej yuav tsum ua lawv le Vaajtswv txujlug, mej tsi xob ua cov noog xwb. Yog mej noog xwb tsi ua lawv le kuj ibyaam le mej ntxag mej. Tug kws noog Vaajtswv txujlug taag tsi ua lawv le, tug ntawd zoo ibyaam le tug kws saib nwg tug dluab huv dlaim tsom-av. Nwg saib taag, thaus nwg tawm moog, taamsim ntawd nwg tsi ncu qaab has tas, nwg zoo le caag lawm. Tabsis tug kws ua tuabzoo saib tseeb tseeb huv txuj kevcai zoo kawg nkaus kws yuav paab tau kuas tuabneeg muaj kev thaajyeeb, yog tug ntawd najnub khaws tej lug ntawd ca rua nruabsab, tsi yog nwg nov taag nwg yuav tsi ncu qaab, tabsis nwg yuav ncu ntsoov hab ua lawv le, Vaajtswv yuav foom koobmoov rua tej kws tug ntawd ua.” (Yakaunpaus James 1:22-25)

Xaav Txug Tejlug Rua Nubnua

Muaj ib lu lug nug kws tseemceeb peb yuav tau rov nug peb tugkheej:  Kuv yuav ua lecaag nrug Yexus tug kws hu tas Yexus Khetos?  Lu lug nuav yog rua tug kheej. Koj, zoo yaam nkaus, yuav tsum tau teb. Nuav yog ib lu lug muab. Peb tsi tau thaam txug tugkheej le peb nug txug tej yaam kev ntseeg.  Peb tsi tau has txug tej lub nam tswvyim. Peb has txug tug kws nwg has tas nwg yog Vaajtswv Leejtub. Qhov lug nug nuav yog lug nug tseemceeb nwg tseemceeb rua koj taamsim nuav. Txhua tug nyag yuav teb nyag,  txawm has lug lossis ua tegnum, puab yuav teb lug nug nuav. 

Yexus Khetos nyob huv Philaj teg nub ntawd. Hab nubnua Yexus Khetos kuj nyob huv koj txhaisteg. Tabsis lub sijhawm lug txug thaus philaj nyob huv Yexus txhais teg, hab lub sijhawm yuav lug txug thaus koj nyob huv Yexus txhais teg.  Yexus sawv ntawd Philaj xubndlag, tabsis yog lub sijhawm txavtxim, Philaj sawv ntawd Yexus xubndlag.  Yexus sawv ntawm koj xubndlag nubnua, lug ntawm lu lug lossis lug ntawm Ntsujplig. Tabsis ibnub, koj yuav sawv ntawm Tswv Yeus Khetos.  Koj yuav ua lecaag nrug rua Yexus tug kws hu tas yog tug Cawmseej?

Kev Thov Vaajtswv

Zaam txim rua kuv, Txiv, kuv tau ua tej yaam kws yog kuv tug tshaaj le tej yaam kws yog koj tug kws yog dlawbhuv. Kuv leegtxim. Thov paab kuv os tug TSWV, thov kuas kuv taug tau koj txujkev dlawbhuv hab nrug tau koj moog. Huv Yexus lub npe, Kuv thov. Amees.