March 18, 2024

March 18, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Koj yuav tsum tso sab plhuav rua tug TSWV kawg koj lub sab lub ntsws, tsi xob ca sab rua koj tej tswvyim.  Thaus koj yuav ua ib yaam dlaabtsi twg koj yuav tsum vaamkhom tug TSWV, nwg txhaj yuav coj koj txoj haukev tsi pub koj yuamkev.— Paajlug Proverbs 3:5-6

Xaav Txug Tejlug Rua Nubnua

Koj yuav muab dlaabtsi lug ntsuag huv koj lubneej? Koj puas yuav siv lub GPS rua qhov zoo?  Txawm yog tsi totaub yaam twg, ntse, kawm paub npaum twg los tsuas yog Vaajtswv tuabtug txhaj coj tau yug txuj haukev.  Vaajtswv nug peb kuas peb ca sab rua nwg lub tswvyim.  Kuv xaav kuas peb ncu hab paub tas, Vaajtswv yog tug muaj tswvyim, hab lub tswvyim ntawd tsim peb hab nrug peb nyob, coj, hab nwg kev hlub yuav muaj nyob nrug peb kuas koj paub meej meej tas, nwg nkaus xwb txhaj yuav coj tau peb txuj haukev.

Kev Thov Vaajtswv

Abba Txiv es, thov koj muaj lub zug rua kuv kuas kuv ca sab tau rua koj. Thov pub koobmoov lug ntawm koj kev hlub rua kuv kuas kuv txhaj tsi ua xyeem xyaav. Kuv thov koj kev coj hab thov koj nrugnraim kuv lubneej huv Yexus khetos lub npe txhua lub sijhawm. Amees.