March 19, 2024

March 19, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Mej sim ua tuabzoo xaav saib Leejtxiv hlub peb npaum le caag dlag. Nwg hlub peb kawg nkaus le nwg txhaj le hu peb ua nwg cov mivnyuas. Peb yeej yog Vaajtswv cov mivnyuas tag. Tub yog vim le ntawd cov tuabneeg kws tsi paub Vaajtswv txhaj tsi paub peb.” — 1 Yauhaas John 3:1

Xaav Txug Tejlug Rua Nubnua

Tej yaam khoomplig yog tej lug zoo hab tseemceeb tsim nyog qhuas.  Yaam khoom pub kws zoo tshaaj yog peb yog Vaajtswv cov mivnyuas. Peb tau raug Vaajtswv coj lug tu rua huv Vaajtswv tsev tuabneeg. Yexus hu peb has tas, peb yog nwg cov muam hab cov kwjtij huv nwg tsev tuabneeg (Heplus Hebrews 2:14-18). Txawm tuabneeg nplajteb tsi leeg paub tejnuav, puab txuj kev tsi leeg paub qhov tseeb kws Vaajtswv yog tug coj peb lug tu ua nwg tug ntawd txhaj yog qhov tseeb los puamchawj  (Loos Romans 8:14-17). Tomqaab txhua yaam, tuabneeg nplajteb ncu tsi txug tas ibpuas tsaavyaam muaj tug Tsim hab thaus puab dlhau lug ua lubcev tshab huv Yexus (Yauhas John 1:1-3, 10, 14-18) hab nyob nrug cov tuabneeg kws nwg tau tsim. Vaajtswv Txujlug tseem ua timkhawv txug qhov tseeb; peb YOG Vaajtswv cov mivnyuas!

Kev Thov Vaajtswv

Ua tsaug, Leejtxiv, tug muab txuj koobmoov txhwjxeeb kws ntawd yog qhov peb lug ua koj mivnyuas. Kuv paub kuv tseem tsi totaub txug txhua yaam kws tseemceeb lub ntsab lug, “khoomplig” yog le caag. Txawm le ntawd los, Txiv, kuv saib tej kws koj tsim lug lawm ua rua kuv txaus sab hab ua koj tsaug rua lubneej kws koj muab rua  kuv. Huv Yexus Lub npe. Amees.