March 21, 2024

March 21, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Ces Petus lug nug Yexus has tas, Tug Tswv, yog kuv muaj ib tug kwvtij pheej ua txhum rua kuv, kuv yuav tsum zaam nwg lub txim puastsawg zag? Kuv zaam xyaa zag puas txaus? Yexus teb has tas, Tsi yog xyaa zag xwb, tabsis koj yuav tsum zaam xyaacaum xyaa zag. ”(Mathais – Matthew 18:21-22)

Xaav Txug Tejlug Rua Nubnua

Kuv has dlaabtsi? Puas yog kuv has tas, muaj Txujlug sau tas peb tsi yog peb yuav zaam txim yaa zag tabsis xyaacaum zag xyaa.  Tej kev zaamtxim kws Yexus has mas yog yaam txaus xaav kawg rua qhov, qhovtseeb mas tseemceeb, yog peb yeej zaam tau rua lwm tug ibzag, ces qhov kev ua txhum ntawd tau pluj taag lawm-nwg tsi muaj ntxiv, hab novqaab lawm. Koj tau zaam txim rua nwg lwm zag, qhov kev txhum ntawd los pluj taag huv tuabsi, novqaab, muab nwg faus rua huv Vaajtswv lub qhovntxaas kev zaamtxim. Yog qhov ntawd yog qhov tseeb, koj yeej yuav tsi khaws tej ntawd ca rua huv koj nruabsab nruabnplawv, yog le txhua zag koj zaam txim rua tuabneeg, txawm yuav yog ntawd yog thawj zag; nwg tsi yog yaa zag lossis yim zag rua qhov lwm zag yuav tsi suav lawm. Koj yuav tsi ceev khaws suav taagzug rua qhov kev hlub tsi ci luas tej kev txhum: koj tub zaam txim dlawbdlo.

Kev zaam txim yog zaam kuas dlawb kuas huv, hab zaam txim yog zaam taag moog le. Muaj tej kev chim faus nrug Vaajswv lub roob tojntxaas huv txujkev zaam txim sub peb txhaj sis zaam tau txim. Peb yuav tau sis zaam txim ntawm peb ibleeg rua ibleeg ibyaam le Vaajtswv tub zaam rua peb lawm.

Kev Thov Vaajtswv

Vaajtswv, thov zaam txim rua kuv. Kuv leeg txim tas tejzag kuv tau ua txhum rua koj, kuv tau ua txhum rua lwm tug hab lwm tug tau ua txhum rua kuv lawm. Thov paab kuv os tug Tswv, thaus muaj tej sis chim lug, thov koj pub kuas kuv zaam txim tau rua lwm tug hab lwm tug zaam txim tau rua kuv le koj cov lug has tseg. Huv Yexus lub npe, Kuv thov. Amees.