March 22, 2024

March 22, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Mej yog Vaajtswv haiv tuabneeg, nwg hlub mej hab nwg tub xaiv mej ca ua nwg tug lawm. Yog le ntawd mej yuav tsum hlub lwm tug, muaj lub sab zoo, tsi khaavtxiv, muaj lub sab mog, sab muag hab muaj lub sab ntev.”— Kaulauxais Colossians 3:12

Xaav Txug Tejlug Rua Nubnua

Yaam dlaabtsi ua rua peb xaav tsi thoob! Peb yog cov Vaajtswv hlub hab yog cov mivnyuas dlawbhuv.   Vaajtswv hu peb kuas peb muaj lubneej zoo, ncaajnceeg, huv nwg tej lubgcog tseg hab ua sab ntev!  Peb yuav tsum xaav tsi tusncuas tas, peb Txiv xaav kuas peb ua tau lubneej npuvntoob nyob huv nwg! peb yuav ua timkhawv rua lwm tug txug yaam kws Vaajtswv tub muab rua peb lug nyob rua huv Yexus khetos hab hu peb has tas, peb yog nwg cov mivnyuas dlawbhuv!

Kev Thov Vaajtswv

Leejtxiv tug nyob sau ceebtsheej, ua tsaug kws koj muab peb xaam ua tug nqe sab kawgnkaus. Thov pub lub fwjchim ntawm tug Ntsujplig Dlawbhuv rua kuv kuas kuv ua tau lubneej le Yexus Khetos hab ua tau zoo le koj-npuvnpos kev hlub, muaj lub sab taabncuab, muaj lub sab mogmuas, ua tau sab ntev, hab muaj sab dlawb sab zoo. Thov muab tej nuav rua kuv, kuv txhaj yuav ua tau rua lwm tug pum tas koj yog tug muaj kev hlub hab coj tau lwmtug lug pum txug koj yog tug muaj meejmom sab hab tsimnyog txhawbnqaa. Huv Yexus Lub Npe, Kuv thov. Amees.