March 25, 2024

March 25, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yexus yeej tsi ca sab rua tej tuabneeg coob coob ntawd, tsuas qhov nwg yeej paub puab txhua tug lub sab.  Tsi taag yuav muaj leejtwg qha rua Yexus txug tej tug tuabneeg ntawd, rua qhov nwg paub tas muaj yaav dlaabtsi nyob huv txhua tug lub sab.”— Yauhaas John 2:24-25

Xaav Txug Tejlug Rua Nubnua

Yexus paub tuabneeg.  Nwg yeej paub txhua leej txhua tug hab nwg paub tej kws tuabneeg xaav huv puab tugkheej hab tej kws puab zais nkoog huv puab lub nplawv. Yexus tsi ua dlejnum rua huv cov tuabneeg nplajteb, tsi khu tug tuabneeg kws nwg tsi xaav tau lossis qha qhov tseeb rua tej tuabneeg kws nwg tsuas khaav ntawm ntugcub lossis tug tsi muaj lubsab xaav tau hab xaav paub. Nwg xaav ntxeev huv peb lub sab kuas peb muaj tug xeebceem pum tawm rua saab nrau, muaj kev coglug tau, hab muaj lubsab ntev uv taug.  Yog koj yog tug xaav tau ua tug tuabneeg zoo, qhov chaws pib ntawd yog Yexus. Yog koj yog tug xaav tau tug muaj lub sab ntev uv, peb yuav tau ua tuab zoo saib Yexus tegnum kws nwg ua rua cov tuabneeg kws puab lubsab puagntsoog kws nyob puagcig nwg ntawd nwg ua lecaag rua puab. Yog peb muaj lubsab ua sab ntev hlub Vaajtswv hab pehawm nwg tuableeg, peb yuav tsum tsomntsoov rua ntawm Yexus hab nwg tej lug cogtseg tas, nwg hab Leejtxiv yog tuabtug. Peb yuav tsum ua lawv le nwg tug qauv hab noog hab ua le nwg tej lug has. Lub neejnuav—lossis Yexus lubneej, tuab yaam nkaus le kuv hu ntawd—nwg tsi yoojyim. Tabsis txawm le ntawd los, yog lu lug caw txug peb kuas peb muaj feem muaj tug hloov tau peb lubneej taug tau nwg txujkev nrug Yexus moog rua qhov tug Ntsujplig Dlawbhuv khu hab coj peb kuas dlhau moog ua tau zoo le nwg (2 Kauleethaus Corinthians 3:18).  Yaam le peb kawm paub tas, peb muaj chaw ca sab tau rua Yexus vim nwg paub peb, peb tau kawm paub huv peb lubneej kws zoo kawgnkaus hab npluasnuj lub ntsab. Yexus caw peb kuas peb caum nwg qaab hab kawm paub peb lubneej tamnuav, paub txug tas, tsuas yog Yexus tuableeg txhaj paub tas muaj yaam dlaabtsi nyob huv peb hab yaam twg yog yaam yuav tsum muaj nyob rua huv peb, peb txhaj ua tau lubneej le nwg hab nrhav tau lubneej puvntoob (Yauhaas J ohn 10:10).

Kev Thov Vaajtswv

Txiv, Kuv ua koj tsaug, kws koj tau tso koj tuableeg tub lug qha kuv kuas kuv paub ua lubneej hab qha tau qhovtseeb rua lwm tug. Huv koj leejtub lub npe kws zoo kawgnkaus hab kuv tug Cawmseej, Yexus, Kuv thov. Amees.