March 26, 2024

March 26, 2024
Nubnuav Nyeem-Kawm Vaajtswv Txujlug

Nqailug Rua Nubnua

“ Tej xwm kws luas muab Yexus cob rua mej, hab mej muab nwg rua cov tuabneeg sab phem coj moog ntsa rua sau ntoo khaublig, tej ntawd lawv le Vaajtswv tub teem tseg lawm. “— Cov Tubkhai – Acts 2:23

Xaav Txug Tejlug Rua Nubnua

Thaus peb xaav txug sau tug ntoo khaublig, peb yeej tsi kaam leeg paub lu lug “tej xwm huv teebmeem – tragic accident”.  Huv tej lug nuav yog muaj nyob rua thawj zag  Pentecost tomqaab Yexus tuag sau ntoo khaublig hab sawv huv qhovtuag rov lug, Petus muaj povthawj timkhawv yaam tsi sib thooj kws yog lub fwjchim luj kawgnkaus nyob sau Khaublig ntoo.

1.     Kev phem muaj nwg txuj kev ua hab coj Vaajtswv Leejtub rua sau ntoo khaublig lug ntawm nwg tegnum kws tej txivneeg phem.

2.    Vaajtswv lub homphaj hab npaaj txuj kev phem kws txhobtxwm ua rua Yexus raug ntsa rua sau ntoo khaublig kuas dlhau lug ua txuj kev cawm, ntxuav, hab paab peb dlim.

Sau ntoo khaublig tsi yog muaj kev sibroo. Dlaabtsi ua rua peb tawm tau huv txuj kev tuag hab ua rua peb kov yeej txuj kev tuag. Vaajtswv siv Khaublig ntoo ua kev hlub hab cawm peb yaam luj kawgnkaus. Yaam zoo hab phem kuj yog yaam ua rua peb ntsib xwmtxheej. Qhov meej tseeb tag, tug Ntoo khaublig tsi yog lu lug teb ua qhov kawg rua txuj kev sib tawmtsaam; lub qhovntxaas khooblug hab kev sawv rov qaab muajsa yog lu lug teb. Peb muaj yeej lug ntawm qhov peb tau txais kev hlub, them peb qhov nqe kws peb tsi muaj cuabkaav them taug lug huv nwg txujkev taabncuab.  Aws Vaajtswv lub homphaj sau khaublig yog qhov tseeb kuas peb tau dlim tag lug ntawm Yexus txuj kev raug tsimtxom tuag kws muaj yeej huv lub qhovntxaas.

Kev Thov Vaajtswv

Vaajtswv tug Dlawbhuv, ua tsaug rua koj muaj kev npaaj rua peb, zaam peb lub txim hab ua rua peb muaj lubneej txujsa nrug koj. Ua koj tsaug rua koj them kuv tug nqe sav lug ntawm tug nqe sab. Ua tsaug rua koj coj peb tawm huv tub tuagteb ntawm tegnum cov tuabneeg phem ua. Peb hlub koj rua txhua yaam kws koj ua rua peb txhua tug lug ntawm Yexus, sau khaublig, hab lub qhovntxaas khooblug. Peb thov huv peb tug Cawmseej tug muaj Fwjchim lub npe. Amees.