March 27, 2024

March 27, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yexus ntsug puab moog yuav luag dleb le laim ib ncuas pobzeb. Nwg txhus caug ndlua thov Vaajtswv has tas, Txiv es, yog koj pum zoo thov koj tsi xob ca kuv raug tej kev txomnyem nua. Txawm yog le caag los puamchawj, koj tsi xob ua lawv le kuv lub sab nyam, thov koj ua lawv le koj lub sab nyam xwb. Muaj ib tug tubkhai sau ceebtsheej lug ua rua Yexus pum, hab paab txhawb Yexus lub zug.” (Luka -Luke 22:41-43)

Xaav Txug Tejlug Rua Nubnua

Yexus them tug nqe.  Koj yuav tsi paub txug xov Vaajtswv tug Tub tiv kev mob npaum lecaag sau tug khaublig.  Nwg yeej tsi yuav tsum tau tuag; Nwg muaj kev xaiv. Hab Yexus has tas, “Tsi xob ua lawv le Kuv lub sab nyam, tabsis koj nyam, kuas tav.” Adaas, ua le Xataas has nyob huv lub vaaj Edees, has tas, “tsi xob le koj sab nyam, tabsis le kuv” hab rua lub sijhawm sis tw ntawd. Yexus nyob dlua rua lwm lub vaaj, zoo tuab yaam Adaas lu lug kawg has, “tsi xob ua lawv le Kuv nyam, tabsis le koj,” hab ca ke sis tw. Ntawd yog txajntsig ntawm lub khob.  Tug Tswv Yexus txaus sab hlo rua, yeem log ua, ca hloov txauv, hab muaj yeej kws has tas, tsi yog ua le kuv lub sab tabsis le koj. Nwg puas yuav has tas, tsi! Tsi le ntawd peb txhua leej txhua tug tseem raug cais ntawm Vaajtswv moog le. Tabsis vim rua qhov Yexus raug kev txomnyem, nqaj ndluag ntshaav nrug hab tuag sau tug khaublig, koj hab kuv txhaj le raug txhiv. Yexus coj kuv kev txhum and koj kev txhum, hab Nwg ris hlo sau tug khaublig.

Huv txujlug nubnuav, Yexus raug sis qhau sis mos. Puas yog nwg taabtom sis qhau nrug Vaajtswv Leejtxiv? Wb, tsi yog tsi muaj. Qhov tseemceeb tshaaj huv nwg lub sab yog nwg muaj lub sab tsuav yog hum Txiv sab.  Puas yog nwg sis qhau nrug Xataas?  Nwg yeej tsi yuav tsum tau ua. Nwg yeej muaj fwjchim luj tshaaj Xataas. Nwg sis qhua nrug nwg tug kheej. Nwg sis qhau nruabnraab tuabneeg txuj kev hab Nwg kev hlub, tabsis thaus kws nwg moog txug qhovtwg? “tsi yog le kuv lub sab nyam, tabsis le koj, kuas tej ntawd tav.”

Kev Thov Vaajtswv

Vaajtswv tug muaj kev hlub hab taabncuab tuabneeg nplajteb, ua koj tsaug vim koj hlub tuabneeg nplajteb tso Koj tug Tub lug tiv kev txomnyem sau tug Khaublig vim koj txuj kev hlub, cawm kuv, kuas kuv dlim ntawm txuj kev txhum. Ua koj tsaug rua qhov txujlug qha tas, koj tug Ntsujplig yog tug txhawb hab qha kuv. Ua koj tsaug ntau ntau rua huv koj txuj kev hlub muaj txug rua peb. Ua tsaug koj tsaug huv Yexus lub npe! Amees.