March 28, 2024

March 28, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog le ntawd txujsa kws nwgnua kuv muaj tsi yog kuv txuj, tabsis yog Yexus Khetos txuj. Qhov kws nwgnua kuv muaj txujsa nyob tub yog vim kuv ntseeg Vaajtswv tug Tub, tug kws hlub kuv hab muab nwg txujsa txhiv kuv.”— Kalatias Galatians 2:20

Xaav Txug Tejlug Rua Nubnua

Thaus peb koom nrug Yexus huv nwg txujkev tuag, faus, hab sawv rov muajsa (Loo Romans 6:3-7; Kalauxais Colossians 2:12-15, 3:1-4), peb tuag, tabsis peb muajsa nyob ntev tshaaj le yaav taag lug.  Peb raug tsa nrug Yexus Khetos, hab nwgnua peb tau koobmeej nrug Yexus Khetos nyob huv peb. Nwg ua dlejnum huv peb kuas lawmtug tau txais koobmoov.  Txujsa tshab kws nwgnua peb muaj huv peb lubcev tsi yog muaj chaws xaus rua huv peb tugkheej lub zug. Peb muaj txujsa, hab peb txujsa tshab yog tegnum Yexus ua tav rua peb. Nuav txhaj yog lubneej muaj zug lug ntawm kev ntseeg huv tuabtug hab tuabtug Cawmseej, tug kws qha nwg kev hlub rua peb lug ntawm muab nwg tugkheej lug theej peb..

Kev Thov Vaajtswv

Vaajtswv tug muaj Fwjchim hab tug Dlawbhuv, ua koj tsaug kws koj muab Yexus txujsa hab lub fwjchim lug rua peb. Ua tsaug rua koj txujkev hlub muaj nyob huv Yexus Khetos hab ua rua peb muajsa nyob dlua. Ca nwg kev hlub, taabncuab, hab fwjchim pum nwg tegnum hab tug mojyaam. Kuv xaav kuas kuv lubneej tshab pum nyob huv Yexus hab nwg nyob huv kuv kuas kuv coj tau lwm tug lug rua nwg. Huv Yexus lub npe, Kuv thov. Amees.