March 29, 2024

March 29, 2024
Nubnuav Nyeem-Kawm Vaajtswv Txujlug

Nqailug Rua Nubnua

… Yexus qw nrov nrov “Elis, Elis, lemas xanpathanis?” Lu lu ntawd txhais has tas, “Kuv Tug Vaajtswv, Kuv Tug Vaajtswv, Vim lecaag koj tso kuv tseg” Matthew 27:46

Xaav Txug Tejlug Rua Nubnua

Good Friday – Nubzoo Friday, Vaajtswv Txujlug has tas Yexus tuag, lus lug ntawm has txug lubcev plhaubtaub, ntxhaas plhaubmaag, lubcev tuag vim lubcev yog nplajteb tug, tabsis tug ntsujplig tsi tuag vim tug ntsujplig yog Vaajtswv tug. Vaajtswv tsim tuabneeg lug ntawm aav, tabsis Vaajtswv muab yaam kws yog Vaajtswv muaj kws nyob moog ibtxhis rua huv tuabneeg, tuabneeg txhaj ca sa, yog le ntawd  Tub Laajlim txhaj qha tas, Peb lubcev yuav rov moog ua aav, hab tug ntsujplig yuav rov moog cuag Vaajtswv, tug kws pub tug ntsujplig ntawd rua peb.

 Thaus Yexus has, “Kuv tug Vaajtswv, Kuv tug Vaajtswv, vim lecaag koj tso kuv tseg?” Nwg tau qha meej meej tas Nwg noog zoo le nwg raug cais tawm Vaajtswv Leejtxiv. Lug Kilis “forsaksen-tso kuv tseg” yog enkataleipo kws muaj lub ntsab tas, “Tso tseg, xaus lossis tseg rua tomqaab.” Lu lug nuav kuj muaj lub ntsab tas, Ua caag koj ca lubcev tuag!

Kev Thov Vaajtswv

Leejtxiv tug nyob sau Ceebtsheej, tug muaj kev hlub, tug muaj kev zaam txim rua nwg tsaav tuabneeg. Thov koj zaamtximv rua yaam kws kuv tau ua tsi ncaajnceeg yaam dlhau lug. Thov qheb kuv lub qhovmuag sab kuas kuv pum koj tug Tub Yexus Khetos tuag sau khaublig vim ntawd yog koj kev hlub rua kuv. Kuv yuav noog koj lug, hlub koj, pehawm koj hab ua ncaajnceeg rua koj. Kuv tuav txug Yexus Khetos lub npe thov. Amees