April 1, 2024

April 1, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Thaus tug quaspuj ntawd pum has tas, tsob ntoo ntawd zoo nkauj, hab tej txiv ntxim qaab kawg le. Tsi taag le ntawd xwb, nwg xaav has tas, tej txivntoo ntawd tseem yuav ua rua nwg muaj tswvyim hab, ces nwg txawm cev teg moog dle cov txiv lug noj. Nwg muab rua nwg tug quasyawg, tug kws nyob nrug nwg, hab nwg txais moog noj.”— Chivkeeb Genesis 3:6

Xaav Txug Tejlug Rua Nubnua

Uaj! Kev txhum txuj kev haubntxag ntev lug tshaaj le txheeb xyoo, awj tej zag peb tseem pheej taug txuj kev ntawd.  Peb saib tej yaam ua rua peb txaus sab rua. Peb nreg ua tuabzoo xaav rua, peb ca peb tugkheej pheej muaj lub sab rua tej yaam kws peb ntshaw quas txhis.   Peb dlaag peb tugkheej hab xaav tas, peb muaj cuabkaav ua tau yaam ntawd ntawm peb tugkheej.   Ces peb muaj feem ua yaam kev txhum ntawd. Thaus kawg, peb coj peb tugkheej moog yaam kev txhum ntawd.  Peb yuav xaav tas peb yuav kawm paub txug txuj kev ntawd taamsim ntawd.   Yuav ua rua peb xaav thaus peb pum lwm twg moog rua txuj kev phomsij, peb yuav ceebtoom tau puab. Yog le ntawd, peb ca le tsiv dleb kev txhum hab nrhav kev paub lug ntawm tug Ntsujplig Dlawbhuv kuas peb kovyeej kev simsab ntawd hab nrhav kev paab lug ntawm lwm tug thaus tej kev simsab ntawd hauvntxawg peb kuas peb taug txuj kev kws yuav moog ntsib kev phomsij.

Kev Thov Vaajtswv

Vaajtswv, thov zaam txim rua kuv rua kuv txuj kev ntxeevsab hab lub sab ua txhum. Thov paab kuas kuv paub txug yaam twg yog hab yaam twg tsi yog. Kuv xaav ua tau lubneej dlawbhuv hab zoo rua koj. Kuv tsi xaav tau lubneej kws pheej ntsib kev sim sab taag moog kws yog yaam yog nplajteb le, tabsis kuv yuav ua lubneej lawv le koj lub sab nyam hab tseg tau kev txhum tsi xob thaab txug. Huv Yexus tug muaj fwjchim lub npe, Kuv thov. Amees