April 8, 2024

April 8, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yexus has le ntawd, Yexus has txug Ximoos Ikhalaus tug tub Yudas. Txawm yog Yudas yog ib tug huv kaum ob tug thwjtim ntawd los, nwg tseem yuav ntxeev sab rua Yexus.” (Yauhaas John 6:71)

Xaav Txug Tejlug Rua Nubnua

Judas muaj yaam kws yog. Yog koj saib txug Yudas, koj yuav has tas,  “Tug Txivneej nuav kuj yog tug zoo tag tag.” Nwg muaj cai yuav koom nrug. Nwg yog ibtug nyob ze Yexus.  Yexus hu nwg tas, phoojywg. Nwg siv sijhawm nrug Yexus peb xyoo hab rau lub hlis kawm ntawm lub tsev kawmntawv kws zoo tshaaj nyob lub nplajteb, Kawm nrug tug Tswv Yexus Khetos, kawm, hab nov tej kws Yexus qha.

Tsi yog nwg muaj cai nrug Yexus xwb, tabsis nwg muaj koobmeej zoo. Thaus lub sijhawm Yexus nyob rua ntawm roojmov hab has tas,   “Ibtug ntawm mej yuav txeev sab rua Kuv” (Yauhaas 13:21), tsi muaj lwm tug kws yuav has tas,  “Kuv xaav tas, nwg yuav tsum yog Yudas.” Koj puas paub tas, Yudas ua teg dlejnum dlaabtsi? Nwg yog ibtug ceev nyajtxag. Yog tug txivneej kws khaws lub naab ntim nyaj. Leejtwg nwg txhaj yuav yog tug tuav nyajtxag?  Tug ntawd yuav tsum yog tug kws nwg ncaajnceeg tshaaj; tug tuabneeg kws luas fwm tshaaj.  Nwg nrug puab moog thaus lub sijhawm puab tawm moog qha, qhuabqha, hab ua yaam zoo.  Nwg yog ibtug kws suavdlawg pum tas, yog tug zoo huv puab paab ntawd.

Peb muaj cov tuabneeg zoo le ntawd nyob huv pawgntseeg txhua lub sijhawm. Peb yog tug ntseeg Vaajtswv txujlug; peb koom nrug ua yaam zoo nrug pawgntseeg. Peb muaj koob nto moo rua yaam zoo: coobleej ntau tug has tas, koj yog tug zoo hab koj yeej yog tug ua zoo le ntawd tag. Koj ua ntau yaam ntau tsaav zoo: tej zag koj yuav yog coj hu nkauj; koj yuav yog cov sau nyajtxag, koj yog tug xwbfwb qha nubkaaj; koj ua ntau ntau yaam kws suavdlawg paub tas, koj yeej ua tau zoo. Tabsis koj lub sab nyob dleb ntawm Vaajtswv.  saabnrau mas tsi qaabhau dlaabtsi yog has tas koj uatxuj.

Kev Thov Vaajtswv

Leejtxwv, thov zaam txim rua kuv rua qhov kuv yog tuabneeg txhum hab tau muaj lub sab ua txhum. Thov paab kuas kuv muaj lub sab tig rov lug cuag koj. Kuv tsi xaav tau kuas thaus kawg kuv yog tug dlaab ntxwgnyoog ua tug siv kuv. Huv Yexus lub npe, Kuv thov. Amees.