April 10, 2024

April 10, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Ua tug tsi xob ntshai, O Yudas tebchaws es; mej ca le txaus sab hab zoo sab hlo. Rua qhov tug Tswv tub ua yaam zoo kawgnkaus lawm.”— Yau-ees Joel 2:21

Xaav Txug Tejlug Rua Nubnua

Kev ca sab lug ntawm Vaajswv muab rua cov tuabneeg kws taag kev ca sab lawm — Vaajtswv tau muab sijhawm lug coj nwg tsaav tuabneeg kuas tig rov tsiv tawm puab txuj ua phem txujkev. Puab lub tebchaws tau ua rua aav qhuav hab tawgnpleb tsi zoo ua qoobloo. Txawm le ntawd los Vaajtswv coglug tseg yuav foom koobmoov rua puab yog puab muaj lub sab tig rov lug cuag nwg.  Tug Tswv, Vaajtswv tug coglug tseg rua tsaav tuabneeg Ixayees, coglug tseg kws yuav ua yaam zoo tshaaj kws coj nwg tsaav tuabneeg rov lug yog has tas, yog muaj lubsab tig rov lug tag tag rua qhov Vaajtswv yog tug muaj fwjchim luj kawgnkaus. Lub tebchaws yuav rov zoo sab hab txaus sab. Rua nwg tsaav tuabneeg! Rua peb tuabyaam nkaus! Qhov ntawm yog ibfeem ntawm Vaajtswv tub tau has tseg lawm tav huv  Cov Tubkhai 2 lub sijhawm nub Peestaskhauv thaus chiv muaj pawgntseeg (Cov Tubkhai 2:22-47). Peb paub tas, “tug Tswv tub tau ua yaam zoo kawgnkaus” rua peb lawv le tej lug cogtseg.

Kev Thov Vaajtswv

Fwm txug Leejtxiv tug nyob sau Ceebtsheej, ua koj tsaug rua koj teg dlejnum kws koj ua cawm tuabneeg huv nplajteb kws luj kawgnkaus. Ua koj tsaug kws koj hlub koj tsaav tuabneeg hab coj puab tawm huv tub tuagteb lug ntawm Yexus. Koj muab rua koj tsaav tuabneeg muaj yeej huv txuj kev tuag. Ua koj tsaug rua koj qhov khoomplig kws yog koj tug Ntsujplig Dlawbhuv, nyob huv peb. Ua koj tsaug rua koj txujlug hab koj tug Ntsujplig txhawb peb lubzug. Ua koj tsaug kws koj muaj kev hlub rua koj tsev tuabneeg lug ntawm koj txuj kev hlub hab taabncuab. Ua tsaug rua huv Yexus Khetos lub npe! Amees.