April 11, 2024

April 11, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Ixayees es, kuv yuav yuav koj ua kuv tug quaspuj, kuv yuav ua sab dlawb paug rua koj, hab muab sab npuab koj. Kuv yuav najnub hlub koj tsi tseg, hab ua zoo rua koj, kuv yuav yuav koj ua kuv tug moog ib txhis.  Kuv yuav ua lawv le  kuv tej lug cog tseg, kuv yuav yuav koj ua kuv tug, koj yuav leeg has tas, kuv yog koj tug TSWV. — Hauxeyas – Hosea 2:19-20

Xaav Txug Tejlug Rua Nubnua

Vaajtswv ua sab ntev rua cov tuabneeg Ixayee kuas pub muaj kev ncaajnceeg rov lug cuag nwg.   Txawm yog puab tsi muaj sab ncaajnceeg npuab nwg yaav dlhau lug, Vaajtswv tseem muab kev zaam txim rua puab hab kev ca sab rua puab zag taag zag tuaj rua puab rua qhov nwg xaav kuas puab tig rov lug  hab muaj kev phoojywg nrug nwg.  Nwgnuav Vaajtswv lug ncaavncuag puab lug ntawd nwg kev coglug tshab rua nwg tsaav tuabneeg, ntawd yog Yexus pawgntseeg, hab muab rua puab lug ntawd kev coglug huv Yexus ua tav sau khaublig ntoo, hab sawv rov muajsa.  Txij thaus tug Tswv txaus sab hlo lug them tug nqe txhwv kws kim kawg nkaus rua peb. (2 Kauleethaus Corinthians 11:2-3) rua nwg tugkheej, moog ibtxhis, huv kev hlub, kev ncaajnceeg hab txavtxim, peb yuav tsum tau teb nwg hab ncu nwg tug txajntsig hab noog nwg lug moog txug nub zoo sab rua nwg roojtshoob kws nwg yog tug nraugvauv hab peb yog tug nkaujnyaab  (Tshwmsim Revelation 19:9, 7-8). Ca peb, lug leeg paub tas nwg yog tug Tswv hab ua ncaajnceeg rua nwg hab ua kuas nwg tau koobmeej nubnua, pigkig, hab moog le itxhis!

Kev Thov Vaajtswv

Fwm txug Leejtxiv tug nyob Sau Ceebtsheej, thov paab kuas kuv pum koj kev hlub, teb koj, noog koj lug hab ua ncaajnceeg tuav rawv kev ntseeg moog txug nub kawg. Huv Yexus Lub npe, kuv thov, Amees.