Hmong Baptist National Association

April 16, 2024

—

by

HBNA Editor
in

April 16, 2024
Nubnuav Nyeem-Kawm Vaajtswv Txujlug

 

Nqailug Rua Nubnua

Thov teb kuv thaus kuv hu txug koj, O kuv rug Vaajtswv kws ncaajnceeg.  Thov tshem kuv tej kev txhuvsab; thov koj hlub kuv hab nov kuv tej lug thov.”  — Nkauj Qhuas Vaajtswv Psalm 4:1

Xaav Txug Tejlug Rua Nubnua

Chiv thawj, peb quaj thov kev paab tsuas yog tug nwg thov rawv Vaajtswv.  kev nyob ze Vaajtswv mas thaus thov Vaajtswv, nwg yuav teb dlua — thov tshem kuv tej kev txhuv sab; thov hlub kuv hab nov kuv tej lug thov.  Koj puas tau moog txug ntawd? Kuv ntseeg tau tas, koj txug ntawd, thov koj nov kuv tej lug thov lub sijhawm nuav, kuv tug phoojywg huv Yexus, thov koj nyeem kuas thoob huv phoo Nkauj Qhuas Vaajtswv nuav. Nwg txhaj yuav yog lug zais kws koj nrhav tau? Kuv ntseeg tau tas, muaj peb qhov txhaj tseemceeb, hab yuav nrhav pum huv phoo ntawv nkauj nuav:

1.     Lubneej txu fwjchim thaus muaj kev thov Vaajtswv nrug nwg (Nkauj Qhuas Vaajtswv Psalm 4:1-2).

2.    Ruaj sab tau rua huv Vaajtswv tas, Nwg nov peb tej lug thov hab nwg yuav teb peb tej lug thov (Nkauj Qhuas Vaajtswv Psalm 4:3-5).

3.    Ua sab ntev thov Vaajtswv  txawm yog tej thaus yug thov txug Vaajtswv, txawm tej kws yug thov ntawd noog zoo le yug nyob dleb ntawm Vaajtsw los ca sab ntsoov tas, nwg yeej yuav teb yug tej lug thov lawv le nwg lub sijhawm. (Nkauj Qhuas Vaajswv Psalm 4:6-8).

Kev Thov Vaajtswv

O Vaajtswv thov koj noog ntsoov kuv tej lug thaus kuv quaj ceemtsum thov hab thov tshem tej kev txhuvsab kws ua rua kuv nyob nyuajsab ntsuav. Thov teb kuv tej lug quaj thov koj hab thov koj ua dlejnum nyob huv kuv lub sab. Vaajtswv, thov koj tivthaiv tug tuabneeg kws txobthuam koj txawm tsi tso tseg los thov koj hlub puab hab zaam txim rua.   Tug Tswv kws hlub hab tshuas, thov tsi xob tso kuv tseg, thov pub kuas kuv muaj lub sab nrhav koj hab fwm koj. Huv Yexus lub npe, Kuv thov. Amees.