April 17, 2024

April 17, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yexus Khetos yeej xub nyob dlua ib puas tsaav yaam huv tuabsi, nwg yog tug tuav ib puas tsaav yaam nyag nyob muaj nyag chaw.”— Kaulauxais Colossians 1:17

Xaav Txug Tejlug Rua Nubnua

Ua ntej chiv muaj nplajteb, nwg muaj Vaajtswv!  Ua ntej muaj lub nplajteb, ua ntej muaj ibpuas tsaavyaam sau ntsuabntug lossis tej tojroob hauvpeg, kuj muaj Yexus! Tug Ntsujplig muaj nyob ua ntej tsim txhua tsaav txhua yaam. Vaajtswv tsim ib puas tsaav huv nplajteb hab sau ntsuabntug taag Vaajtswv maam le tsim tuabneeg. Nwg lub fwjchim tuav ib puas tsaavyaam lug nyob ua ke hab nyag nyob muaj nyag chaws. Thaus nwg tsim tau txhua tsaav txhua yaam ntawm tej nub ntawd nwg has, zoo heev hab txaus sab rua tej kws nwg tsim tau lug ntawd.

Kev Thov Vaajtswv

Ua tsaug, Yexus txuj kev hlub hlub rua nubnua. Ua tsaug koj tsim lub nplajteb nuav rua kuv nyob. Koj txhaj yog tug tsimnyog qhuas, fwm hab thov kuas koj tau koobmeej moog le. Thaus kuv lug saib rua yaav tomntej kuv pum Vaajtswv kev hlub muaj nyob huv Yexus, hab Yexus yog tug ua rua leejtxiv tau koobmeej hab pum leejtxiv txujkev hlub. Txug koj, hab koj lub npe, fwm txug Yexus, kuv ua koj tsaug hab qhuas koj. Amees.