April 23, 2024

April 23, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Muaj tuabneeg ntseeg tub yog vim  puab nov, puab nov tub yog vim muaj tuabneeg qha Vaajtswv Txujlug rua puab .” (Loo – Romans 10:17)

Xaav Txug Tejlug Rua Nubnua

Koj yuav moog tsi tau sau Ceebtsheej vim koj nam hab koj txiv txujkev ntseeg. Koj yuav moog tsi tau sau Ceebtsheej vim koj tug Xibfwb txuj kev qha, koj tej phoojywg kev ntseeg lossis ibleeg ibtug twg kev ntseeg. Koj yuav nov txug Yexus hab yaam kws Yexus tau ua tav rua lwm tug, tabsis tej ntawd ntawd tsi yog koj kev ntseeg —nwg tsuas yog kev ntseeg zeeg ob. Huv Mathais 16:13, Yexus nug Nwg cov thwjtim, “muaj tuabneeg has txug kuv tas, kuv yog leejtwg, Vaajtswv Leejtub, puas yog?” tabsis nqai 15, Nwg nug puab ua rua puab xaav tsi thoob: “Tabsis mej nes mej has tas, kuv yog leejtwg?”

Koj puas paub txug Yexus, lossis koj puas paub nwg zoo? Koj txujkev ntseeg yog thawj zeeg lossis yog zeeg ob kuas muaj kev ntseeg, koj yuav tsum paub txug tej lug kws Vaajtswv tau has. Tsim lug, noog los mas. Kev ntseeg yog qhov lug teb rua Vaajtswv huv Nwg txujlug.  Ntawd txhaj yog qhov kws vim le caag txhaj muaj tug qha sau saamthaj. Ntawd txhaj muaj lub qhuabqha: yog le ntawd tuabneeg txhaj nov txujlug lug ntawm Vaajtswv. yog koj xaav kuas tuabneeg ntseeg, koj yuav tau muab ibyaam dlaabtsi kws ua rua luas txaus ntseeg. Hab koj yuav tsum muab rua puab kws yog Vaajtswv Txujlug.

Kev Thov Vaajtswv

O, Txiv, kuv paub koj pum hab saibntsoov kuv, tabsis tejzag kuv tsi pum hab tsi xauj koj hab tsi tog koj txhawb kuv lub zug hab foom koobmoov rua kuv. Txij nuav moog, Kuv yuav saib ntsoov koj txhua lub sijhawm thov koj lug nrug nraim kuv, hab ua tsaug koj tsomkwm kuv txhua lub sijhawm hab thov kuas txhua nub kuv tau txais koj kev hlub. Huv Yexus Lubnpe, Amees.