April 30, 2024

April 30, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Txujkev hlub lub ntsab yog le nuav, tsi yog peb hlub Vaajtswv tabsis yog Vaajtswv hlub peb, hab nwg khaiv nwg Leejtub lug tuag theej peb lub txhoj, Vaajtswv txhaj zaam tau peb lub txim. ”— 1 Yauhaas John 4:10

Xaav Txug Tejlug Rua Nubnua

Kev hlub yog yaam yug ua, tsi yog has ncaujdlawb ncaujlug. Thaus txujlug has rua peb txug Vaajtswv hlub peb, nwg txujlug yeej qha Vaajtswv tegnum rua peb txug kev hlub. Nuav, Yauhaas xaav kuas peb paub txug Vaajtswv xub hlub peb. Vaajtswv qha hab muab nwg txuj kev hlub rua peb ua ntej peb hlub rov rua nwg.  Nwg yuav tsi tog kuas zoo sijhawm nwg maam hlub peb.  Nwg yuav tsi tog kuas txug thaus nwg pum has tas, nwg yuav tau ibyaam dlaabtsi ntawm peb. Tseebtag, nwg xub hlub hab qha nwg kev hlub rua peb kws yog nwg hlub peb nwg txhaj cawm peb thaus nwg pum peb zoo le tub pawv pluj lawm  — thau peb zoo le tsi tsimnuj dlaabtsi, hab thaus peb tub tsi tau npaaj txhij. Vaajtswv yog kev hlub, hab peb paub le nuav vim rua qhov nwg txuj kev hlub ua tav rua peb tau ua tav, hab yuav muab rua peb ua ntej peb xaiv hlub nwg.   

Kev Thov Vaajtswv

Ua tsaug kuv Leejtxiv tug nyob sau Ceebtseeb, rua koj txuj kev hlub kws luj kawgnkaus. Thov paab kuv kuas kuv muaj sijhawm pum txujkev kws kuv hlub lwmtug txhua txhua nub. Thov siv kuv, kuv Txiv, kuas kuv qha tau koj txuj kev hlub rua lwmtug txhua nub, hab moog txhua txhua nub huv kuv lubneej. Paab kuv kuas kuv xub hlub kuv huv kuv lubneej. Huv Yexus Lubnpe, Kuv thov Amees.