May 4-5, 2024

May 4-5, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Lug ntawm [Khetos] taagnrho lubcev, sis koom hab sis paab ua ke. Nwg pub lub cev muaj qejtxhaa, yaastxhaa sis dlhos ua ke. Thaus tej teg taw ntawd nyag ua nyag txuj haujlwm hab sis hlub sis paab lawm, lub cev yuav kheev hlub.” — Efexaus Ephesians 4:16

Xaav Txug Tejlug Rua Nubnua

Phoo Efexaus hab Kaulauxais tau nthuav qha paub tas, tsi muaj tuabneeg twg lossis ib paab pawgntseeg tug yuav yog tug ua lub taubhau rua Pawgntseeg. Yexus tuabtug xwb txhaj yog lub taubhau ntawm Pawgntseeg.  Nwg teeb lub homphaj kev taug kev . Nwg yog peb lub qauv. Khetos yog peb lub homphaj rua peb tegnum hab kuas tegnum luj hlub (Kauxauxais 1:28-29).  Yexus kuj yog qhov khoom pub rua cov tuabneeg kws nyob huv Pawgntseeg hab cob peb huv nwg Lubcev le nwg tau xaiv, pub qhov khoom pub rua peb lawv le nwg xaav pub rua tug kws nwg yuav siv tau qhov khoom ntawd moog rua qhov zoo. Yog le ntawd peb yuav tsum teeb peb lub sab lub nplawv rua huv Yexus.  Ca peb siv nwg lubneej hab nwg kev hlub lug sis txhawb sis paab huv peb. Ca peb tig saib rovqaab ntawm Yexus tegnum kuas lug ceebtoom peb tas yuav ua hab leejtwg tsimnyog peb teevtam. Ca muab rua Yexus kuas yog peb tug qauv hab meejmom le yog tug Cawmseej, nwg xwb yog lub taubhau rua Lubcev, Pawgntseeg. Ca nwg ua tug coj!

Kev Thov Vaajtswv

Leejtxiv tug Ncaajnceeg, ua tsaug rua koj hab Yexus txujkev hlub. Ua tsaug rua nwg tug qauv, kev pehawm, kev zoolug, kev hlub, hab muab tugkheej rua peb sau tug khaublig. Vaajtswv thov siv kuv, kuv cov kwvtij nugmuag huv Yexus Khetos kuas peb ua tau koj tegnum ua ke rua huv peb lub nplajteb nuav hab qha koj kev hlub moog rua tug kws pluj lawm. Huv tug Tswv Yexus lub npe. Kuv thov. Amees.