May 27, 2024

May 27, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Tub yog vim peb muaj chaw ca sab peb txhaj dlim. Yog peb tub tau tej kws peb ca sab rua lawm, ces tsi taag peb yuav tog tej ntawd.  Tabsis yog peb tseem tsi tau tau tej kws peb ca sab rua, peb yeej yuav ua sab ntev tog tej ntawd. Vaajtswv tug Ntsujplig lug paab peb cov kws qaugzog, rua qhov peb tsi paub has tas, tsimnyog peb thov yaam dlaabtsi. Vaajtswv tug Ntsujplig kubsab lug thov Vaajtswv paab peb thaus peb thov nroo tujtawg huv nruabsab. Vaajtswv tug kws paub tuabeeg lub sab, nwg yeej paub tej kws nwg tug Ntsujplig thov, rua qhov tej kws Vaajtswv tug Ntsujplig thov Vaajtswv paab peb cov kws yog Vaajtswv haiv tuabneeg, tej ntawd hum Vaajtswv sab. Peb paub has tas, ib puas tsaav yaam kws Vaajtswv ua puavleej zoo rua cov tuabneeg muab sab npuab tug Vaajtswv kws hu puab lug ua lawv le tej kws nwg tub xub xaav tseg lawm.”Loo Romans 8:24-28

Xaav Txug Tejlug Rua Nubnua

Txhua yaam kws Vaajtswv tsim raug foom tsi zoo. Txhua yaam tsim lug tau quaj raajlawg, mob hab ntshai.  Tug ntseeg lub suab quaj yog yaam kws yuav tau kev txhawbzug lug ntawd tug Ntsujplig Dlawbhuv. Nwg yog tug nrug peb nyob. Yexus has txug tug Ntsujplig yog tug hu peb lug nrug nwg, zoo le peb koom nrug nwg saab qajntawv kuas peb ua tau sab ntev. Yexus tseem hu tug Ntsujplig  yog tug “paab”  (Yauhaas 14:16), nwg yog ib lu lug kws hu has yog tug nrug peb nyob paab peb. Tseeb, peb paub kev txhuv sab. Peb paub tej kev quajntsuag. Tabsis ntawd tsi tau yog tas, nwg kawg zaaj ntawd. Loo Romans 8:18 has, “Kuv paub has tas, thaus peb pum lub fwjchim ci ntsaa ab kws yaav tomntej Vaajtswv nthuav rua peb saib, peb yuav ncu tsi txug tej kev txomnyem kws najnub nwgnua peb raug ib nyuag qhov le lawm.”

Tej kws Vaajtswv tsim puav leej quaj nroogqeeg hab tug ntseeg quaj raajlawg. Tabsis tug Ntsujplig Dlawbhuv paub tej kws peb muaj, hab nwg kubsab lug thov Vaajtswv paab peb. Peb yuav thev taug Kev quaj nroogqeeg, tsi yog peb thev taug ntawm peb tug kheej xwb. Tej ntawd yog tej kws nyob tuabnplag, tabsis Vaajtswv lub fwjchim nyob moog ibtxhis nrug peb hab paab peb kov yeej tej kev ntxhuv sab ntawd.

Kev Thov Vaajtswv

Vaajtswv tug muaj Fwjchim luj, thov muaj lubzug luj zug nchaav, lub sab luj sab dlaav hab txhawb kuas kuv muaj kev hlub txug tau rua kuv cov kwvtij ntseeg yaam nkaus le koj tau hlub kuv. Huv Yexus lub npe, kuv thov. Amees.