May 29, 2024

May 29, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Koj ca le taug kev ncaaj nraim, tsi xob saib saab laug lossis saabxis. Ceev koj cov kaujruam ntawm txuj kev  phem.”— Paajlug 4:27

Xaav Txug Tejlug Rua Nubnua

Thaus kuv pum tuabneeg ua ruamkev rua saabhuv saabnrau thaus puab ua ruamkev kws muaj tuabneeg coob, txawm ua rua kuv tsi pum qaab yuav moog rua saab twg txhaj zoo.  Thaus puab qaugcawv, raugzug, lossis sis tib tsi paub tso tseg ua rua kuv paub tag puab taagtom ua yaam kws yuav rov raug teebmeem rua puab vim puab ua ruamkev “rua saab laug hab saabxis.”  Vaajtswv xaav kuas peb paub txug qhov tseeb ntawm peb thaus peb ca peb tugkheej taug moog txuj kws paub tas yuav moog saablaug lossis saabxis hab qhov ntawd yuav ua rua peb raug kev sim dlua. Ca peb taug txujkev ncaajnraim hab txuj kev nqaim kws peb tsom saib ntsoov rua ntawm Yexus!

Kev Thov Vaajtswv

Leejtxiv tug muaj kev hlub, thov zaam txim rua kuv rua qhov pheej tsi paub yuav moog saabtwg!  Thov pub lub tswvyim rua kuv kuas kuv feebmeej paub taug txug kev nqaim hab moog ncaaj ncaaj xwb, kuv txhaj yuav pum qhov phem kws taabtom tog kuv kev hab coj kuv moog txuj kev dlaav. Tswv Yexus thov hloov kuv lug ntawm qhov koj txhiv kuv kim, hab huv koj kev dlawbhuv rua kuv txhua nub, kuas kuv paub txuj kev twg yog txuj kev ncaaj.  Huv Yexus lub npe kuv thov. Amees.