May 30, 2024

May 30, 2024
Nubnuav Nyeem-Kawm Vaajtswv Txujlug

Nqailug Rua Nubnua

“ Yog thaus twg mej chim, mej tsi xob pub mej txujkev chim ua rua mej ua txhum, hab tsi xob chim taag nub. Tsi xob pub dlaab ntxwgnyoog muaj chaw ntxag mej.”— Efexaus  4:26-27

Xaav Txug Tejlug Rua Nubnua

Kev tswj tsi tau es npautawg yog ib yaam kws tog quasntsoov yuav tshwm. Tsi luv lossis tsi ntev, yaam yuav npautawg yuav tawm tuaj, tsi yog nyob rua huv yug tugkheej lossis rua lwm tug lubneej. Yexus qha peb kuas peb novqaab hab rov sis raugzoo (Mathais 18).  Peb yuav tsum tau muaj kev ceevfaaj peb txuj kev npautawg, NUBNUA! Tsi le ntawd, tug dlaab txuj kev phem yuav siv qhovntawd lug tawm tsaam peb lubneej. Tsi xob ca dlaab muaj sijhawm nkaag lug tau rua huv peb lubneej. Yog peb muab ib nyuas qhovchaws miv le (2.54 cm), nwg yuav siv le (1.61 km). lug kuas peb muaj kev npautawg, tsi xob ca peb ua txhum tabsis peb yuav tau ceev kuas peb tsi xob npautawg, nubnua!

Kev Thov Vaajtswv

Leejtxiv tug nyob sau ceebtsheej, thov koj paab kuv kuas kuv tsi xob muaj lub sab npautawg kws yuav dlhau moog txug qhov uv tsi taug hab paab kuas kuv tawmtsaam dlaab txuj kev haubntxawg thaus kuv muaj kev npautawg. Tuab lub sijhawm kws zoo le ntawd, thov koj coj hab pub kuas kuv muaj lub sab tivthaiv tau txhwjxeeb yog yaam kws yuav ua rua koj cov mivnyuas chim hab npautawg. Lug ntawm koj tug Ntsujplig Dlawbhuv lub fwjchim, kuv thov koj paab kuas kuv zaam txim tau rua lwm tug kws tub ua rua kuv npautawg lawm kuas kuv tsi xob ua pauj. Huv lub npe ntawm Yexus, kuv tug TSWV. Kuv thov. Amees.