June 3, 2024

July 03, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Nwgnua kuv qha ib txug kevcai tshab rua mej has tas, Mej ib leeg yuav tsum hlub ib leeg ib yaam le kuv hlub mej. Yog mej ib leeg hlub ib leeg suavdlawg yuav pum has tas, mej yog kuv cov thwjtim.” (Yauhaas  13:34-35)

Xaav Txug Tejlug Rua Nubnua

Kev hlub yuav tsi muab yaam kws koj ntshaws rua koj. Kev hlub yog muab rua tug kws nwg yuav tsum muaj yaam ntawd rua nwg.  Hab kev hlub yog txaus sab hlo ua rua tug kws txomnyem lossis nqeg dlua lwm tug. Peb muaj nqee tug yuav has tas, tug hloov daipawg tsi tseemceeb npaum le tug xibfwb qha Vaajtswv Txujlug. Tabtsi ntawd tsi tau qha rua koj paub tas, tug muaj kev hlub yuav tsum tau ua. Tej nuav loloov tej haujlwm tom nchaav ua zaubmov, tom chaws zuv mivnyuas, lossis ibyaam ib qhov dlaabtsi huv pawgntseeg. Kev hlub yog yaam peb rua yaam kws yuav tsum ua kuas tav ntawd tav log. Tug muaj kev hlub, kev hlub yuav txhawb nwg lub zug kuas nwg ua tau yaam kws yuav tsum tau lug ntawd nwg. Huv Yauhaas 13 peb pum tug Tswv muaj koobmeej, peb paub nwg lug ntawm Vaajtswv hab rov qaab moog rua ntawm Vaajtswv, tug kws tsim ib puas tsaavyaam. Nwg teeb tej tojroob hauvpeg, teeb cam rua lub nub hab lub hlis hab tej nubqub dlha nruabnub hab montuj. Hab nwg ntxuav cov thwjtim kutaws.

Efexaus 4:32 has tas, “hab mej ibleeg ua zoo rua ib leeg, muaj lub sab mogmuas, ibleeg zaamtxim rua ibleeg, ibyaam nkaus le Vaajtswv tub zaam txim rua mej. Paulus has tas, yog Yexus zaam mej lub txim, ces meej, kuv zaam txim rua mej? Tseeb lawm tag. Yog Yexus tub ntxuav kuv kutaws, ces kuv kuj ntxuav tau koj kutaws tuabyaam nkaus. Ncu cim ca Yexus cov lug: “Yog kuv yog koj tug Tswv hab tug xibfwb, tau ntxuav koj kutaw, koj yuav tau ntxuav lwm tug kutaws hab.” (Yauhaas 13:14).

Kev Thov Vaajtswv

Txhwjxeeb Leejtxiv tug nyob Ceebtsheej, tug tsim nyog qhuas hab fwm, thov foom koobmoov rua kuv hab pub kuas kuv muaj lub sab hlub koj txug qhov kuv hlub tau lwm tug ib yaam le koj tub hlub kuv lawm. Kuv xaav paub koj yaam nkaus le kuv tub pum koj.  Thov coj kuv kuas kuv lug nyob ze koj hab ze koj yaam le koj tub nyob ze kuv hab paub kuv lubneej. Huv Yexus lub npe. Kuv thov. Amees.