June 13, 2024

June 13, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Nub kws cov Yudais xaus rooj kevcai yog nub tseemceeb kawg nkaus. Nub ntawd Yexus sawv ntsug has nrov nrov rua suavdlawg has tas, Tug kws nqhes dlej ca le lug cuag kuv, kuv yuav muab dlej rua nwg haus. Lawv le tub muaj lug sau ca rua huv Vaajtswv phoo ntawv lawm has tas, Tug dlej cawm tuabneeg txujsa yuav txhawv huv tug ntseeg lub sab lug. Yexus has le ntawd, Yexus has txug Vaajtswv tug Ntsujplig kws Vaajtswv yuav pub rua cov tuabneeg ntseeg Yexus. Thaus Yexus has le ntawd, Vaajtswv tseem tsi tau tau khaiv Vaajtswv tug Ntsujplig lug, rua qhov Vaajtswv tseem tsi tau tsaa Yexus ua tug muaj fwjchim ci ntsaa ab. ”(Yauhaas  7:37-39)

Xaav Txug Tejlug Rua Nubnua

Txhua txhua tug yuav kub sab lug nrhav lug teb huv puab lubneej.  Muaj qee tug puab xaav txug qhov teb kws yog lug ntwd paub tugkheej. Yog puab kawm paub hab paub txug ntau yaam theology, puab yuav txaus sab rua. Yog le ntawd puab txhaj moog kawm ib nchaav rua ib nchaav hab huv lub tuamtsev rua lub tuamtsev, nrug puab tej kev txawjntse paub txhij txhua, tabsis puab lub sab tseem qhuavqhawv hab noog zoo le tseem khoobsab lug.  lwm tug tsuas teb tas qhov ntawd yog kev ua sim tau yaam:  yog muaj ntau yaam, yog ua nyaav dlua, hab khwv khwv rua tej puab ua,  puab yuav nrhav paub, puab lub zeemmuag hab lub ntsablug.  Puab ua txhua yaam txhua yaam kws puab yuav ua tau, hab nyob tognroov txhua lub sijhawm lub qhov rooj qheb, tabsis puab tseem tsi muaj yaam kws yuav ua rua txaus sab nyob huv puab lubneej.

Qee tug xaav txug qhov teb yog qhov puab xaav txug. Puab xaav txug qhov puab xaav txug yog kev yuav paub teb rua, rua tej lug nug. Hab tsi ntev ntawd, kuj yuav zoo tuabyaam nkaus le qub hab  zoo le tsi muaj dlaabtsi lug ua rua puab txaus sab rua. Tabsis pigkig yog ua rua kev ncu tseg. Hab puab tseem pheem yuav rov qaab lug saib txug puab tej kev xaav zag dlhau zag. Nwg yog lub caijnyoog peb lug xaav txug hab tomtaub txug tsuas yog huv Yexus nkaus xwb txhaj yog lug teb tau rua peb muaj kev txaus sab hlo rua huv nwg.  Yexus tau hu peb kws muab txujlug has tas,  “Mej puas nqhes dlej? Ca le lug cuag Kuv hab haus.”

Kev Thov Vaajtswv

Kuv Txiv tug nyob sau ceebtsheej, thov koj pub kuas kuv tau haus koj cov dlej vim koj hu kuv has tas, yog kuv nqhe nuav ca le lug cuag koj hab haus. Kuv ua koj tsaug rua koj cov dlej kws yog kuv haus lawm yuav tsi nqhes dlua ntxiv lawm. kuv thov huv Yexus Khetos lub npe. Amees.