June 27, 2024

June 27, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Thaus sawvntxuv, O tug Tswv, koj nov kuv lub suab thov, Tug TSWV es, thaus sawvntxov kuv thov koj, koj nov ntsoov kuv tej lug. Thaus nub tawm kuv tsaa ncauj thov koj, hab tog rawv koj teb kuv  tej lug thov.”— Nkauj Qhuas Vaajtswv 5:2-3

Xaav Txug Tejlug Rua Nubnua

Thaus kuv nyeem nqai lug nuav, kuv ncu txug ibtug quaslaug nyob huv pawgntseeg thaus lub sijhawm qhuabqha hab muab tug kheej rua kev thov tug TSWV. Nwg muab nqai lug nuav ua qhov theem taw rua txhua taagkig thaus muaj kev thov Vaajtswv?  Rua qhov kev thov Vaajtswv yog yaam yuav tsum muaj hab muaj moog le tshaaj qhov yuav tau npav txug. Nwg tseemceeb tshaaj le tejlug qhuas. Tseemceeb tshaaj le tej lug ua nwg tsaug. Tseemceeb tshaaj le tej kws yug nrug lwm tug thaam. Nwg tseemceeb tshaaj le tegnum peb siv thov — txhuscaug, nyohauv hawm Vaajtswv. Kev thov Vaajtswv yog qhov peb paub Vaajtswv xaav tau ntawd peb hab kev hlub thaus peb “tog quasntsoov yaam kws peb xaav tau” huv nwg hab nwg yuav teb peb tej lug thov. Kev thov Vaajtswv yog yaam peb togntsoov Vaajtswv ua rua peb huv nwg kev txhwv peb huv nwg teb peb tej lug thov.  Nwg yog qhov peb tognrooj tas Vaajtswv yuav ntsib peb huv peb kev thov Vaajtswv hab yuav ua yaam zoo rua peb hab rua cov tuabneeg kws peb tub thov rua lawm.

Kev Thov Vaajtswv

Leejtxiv tug muaj kev hlub hab Vaajtswv tug muaj txujsa nyob, ua koj tsaug kws koj ntsib kuv huv kuv kev thov Vaajtswv. Kuv paub koj nov kuv hab paab tej kws kuv tub qha nrug koj lawm. Ua tsaug kws koj muaj lub sab ntev rua kuv hab leegpaub tas, kuv yog tug mivnyuas kws koj hlub. Os tug TSWV, kuv tog ntsoov koj paab kuv kuas pum txug lwm tug kws kuv tub thov koj pub rua puab lawm. Huv Yexus tug muaj fwjchim lub npe. Amees.