July 01, 2024
Nubnuav Nyeem-Kawm Vaajtswv Txujlug
Nqailug Rua Nubnua
“Tuabneeg lub sab nkhaus tshaaj lwm yaam huv tuabsi, tsi muaj leejtwg yuav paub lossis khu tau. Kuv tug kws yog tug tswv tshawb saib tuabneeg lub sab lub ntsws. Kuv ua pauj lawv le tej dlejnum kws tuabneeg ua, hab tuabneeg coj tuabneeg lub neej.”(Yelemis 17:9-10)
Xaav Txug Tejlug Rua Nubnua
Lub plawv yog lub tswj taagnrho txhua yaam tuabneeg lubcev. Vaajtswv saib rua huv koj lub plawv hab tshawbnrhav koj lub plawv. Ces tomqaab Vaajtswv tshuaj lub plawv, nwg yuav qha txug lub plawv. Lub plawv ua haujlwm dlaabtsi? Nwg sim ua tug kaavtswj. Vaajtswv yuav ca xwm ntau yaam lug rua huv koj lubneej hab saib yuav pum koj yuav ua lecaag rua tej xwm ntawd. Qhov koj ua yuav tsi yog qhov ua povthawj tas koj yog tug twg, koj tug xeebceem yog ua tau tas koj yog tug twg!
Koj puas tau ua saib tsi taug rua ibtug twg? Koj has, “Well nwg ua rua kuv chim.” Qhov tseeb yog, nwg taabtom qha koj pum txujkev chim kws koj muaj huv koj. Nwg tsi tau muab kev ua saib tsi taug rua koj. Qhov ua saib tsi taug ntawd yeej nwg nyob nwg huv koj lawm; qhov nwg ua tes tsuas yog nas lub tswb lab.
Ibyaam le lub sijhawm dlhau moog, Vaajtswv ca tej xwm lug rua huv koj lubneej, hab koj yuav has tas, “Well kuv xaav tsi thoob rua kuv tugkheej. Kuv tub tsi tau xaav txug tas kuv ua tau tej ntawd.” Koj tsi paub tas koj lub plawv nwg tswj txhua yaam hab fuab lob kev phem. Hab koj tsi paub tas thaus kawg yuav zoo lecaag nyob rua huv tuabneeg lub plawv kws muaj txhua yaam txhua tsaav. Peb yuav muab tej ntawd lug sis xyawj
Ib tug mivnyuas ntxhais nyob rua tom lub park, ibtug mivnyuas dlev tsej, hab nwg pib quaj. Ces tug dlev tseg tsi quaj. Hab leejnam nug has tas, “saib, tsi xob quaj os mivntxhais. Nwg tug ntsag tsi tsej lawm.” Tug mivntxhais has tas, “tabsis nwg qhov tsej ntawd tseem nyob huv nwg.” Koj yuav muaj cuabkaav tswv tau koj tug kheej rua ntau ntua yaam, tabsis muaj qee yaam yuav lug txug qhov kws tseem ua rua koj ceebsob.
Kev Thov Vaajtswv
Leejtxiv tug nyob sau Ceebtsheej, tug muaj fwjchim, hab tug lug nyob ze kuv, thov foom koobmoov rua kuv kuas kuv muaj kev paub tub tub txug kuv lubneej. Kuv xaav paub koj ibyaam le kuv tau paub lug ntawm koj (1 Kauleethaus 13:12; 1 Yauhaas 3:1-3). Moog txug nub kuv pum koj timntsej timmuag huv koj lub fwjchim, thov coj kuv kuas kuv lug nyob ze koj hab ze koj ibyaam nkaus le koj lug nyob huv kuv lubneej. Huv Yexus lub npe, kuv thov. Amees.