July 3, 2024

July 03, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Paulus, ib tug tubkai hab yog Yexus Khetos ib tug timthawj. Kuv yog tug Vaajtswv xaiv hab khaiv moog paab txhawb Vaajtswv haiv neeg txujkev ntseeg, hab qha kuas puab paub txujlug tseeb kws peb txuj kevcai dlaabqhuas qha tseg, kuas peb muaj chaw ca sab has tas, peb yuav tau txujsa ntev dlhawv moog ibtxhis. thaus tsi tau tsim ntuj tsim teb, Vaajtswv coglug tseg hastas, nwg yuav pub txujsa rua peb, nwg hasle ntawd, nwg yeej tsi dlaag ib zag le.”(Titaus 1:1-2)

Xaav Txug Tejlug Rua Nubnua

Tsi muaj qhov kev coglug kws yuav yuaj rua kuas Vaajtswv ua tav. Tsimuaj.  Koj puas paub txug muaj puastsawg nqai lug kws Vaajtswv cov lug tseg?  Nwg muaj tshaaj le 30,000 txheeb nqai lug cogtseg nyob huv Vaajtswv Txujlug, hab txhua txhua lus lug yeej muaj yog qhovtseeb hab tav huv Yexus Khetos peb tug Tswv.  (saib 2 Kauleethaus 1:20).

Kuv tau nov txug muaj ibtug namtsev ntseeg laug kws hlub Vaajswv taagnrho huv nwg lub sab lub ntsws, tug kws nwg pheej has txug Vaajtswv, ua povthawj txug Nwg hab nwg muaj kev ca sab npaum lecaag rua huv Nwg.  Muaj tejzag nwg has txug has tas, “Well, puj pev xaam le has tas, koj nrhav pum tas koj tsi tau txais kev zaam txim lossis kev dlim txim nuav puas yog Vaajtswv tsi ceev hab ua lawv le nwg tej lug cogtseg, koj txhaj le poob moog rua huv ntujtawg. Pev le tas tomqaab koj tuag, koj tug plig poob lawm.” Nwg teb tas, “yog kuv tug ntsujplig poob lawm, Vaajtswv yuav nplaam ntau tshaaj le kuv nplaam.” Puab nug tas, “Tej ntawd muaj tau lug lecaag?”Nwg teb tas, “Kuv tejzag kuv yuav nplaam kuv tug ntsujplig, tabsis Vaajtswv yuav nplaam qhov kev fwm nwg.”  Vaajtswv tsi dlaag.  Puas yuav muaj ib qhov nyuaj es Vaajtswv yuav ua tsi tau?  Nwg yeej yuav tsi muaj ib qailug cogtseg nws Vaajtswv tsi ceev txug. Yog muaj nyob huv Vaajtswv txujlug hab yog Vaajtswv tau cog lug tseg rua lawm, koj yuav tau lawm le muaj kev coglug ntawd ntaag.

Kev Thov Vaajtswv

Leejtxiv tug nyob sau Ceebtsheej, muaj muaj tshwjchim, hab tug muaj koobmeej. Thov koj lug nyob ze kuv, cobqha kuv kuas kuv paub lug nyob ze koj. Thov ca koj txujlug cogtseg lawm ua rua kuv ruajsab rua tej lug cogtseg le koj tej lug cogtseg nyob huv Vaajtswv koj txujlug. Kuv thov tej nuav huv Yexus Khetos lub npe, Kuv thov. Amees.