July 16, 2024
Nubnuav Nyeem-Kawm Vaajtswv Txujlug
Nqailug Rua Nubnua
“Nwgnuav yuav sau cov pujntsum yuv tsum yog tug muaj raucaum xyoo rov sau, tug kws muaj kev ncaajnceeg rua nwg tug quasyawg, hab tug kws lwm tug paub nwg qhov kev ua zoo, xws le paab lwm tug, qhuabntuag hab tu nwg cov mivnyuas rua qhov zoo, nyam qhua, ntxuav cov ntseeg kutaw, paab cov txomnyem hab muab sab rau ua ib puas tsaav yaam haujlwm zoo. — 1 Timautes 5:9-10
Xaav Txug Tejlug Rua Nubnua
Lubcaij kws yuav txug namnub txhua lub xyoo mas ua rua peb txhua tug, muaj lub sijhawm yuav rov lug ncu txug cov kws yog nam lossis peb nam txhwjxeeb yog cov pujntsuag. Txug rua peb cov kws tsi tshuam paub txaajmuag, puas thaus u cov pawgntseeg kuj ua hab ua ntus zug lug kuas muaj kev ncu txug tug namtsev zoo lossis tug namtsev kws yog tug thawjcoj zoo kws muaj npe cov nyob huv Vaajtswv txujlug phoo tshab. Peb muaj cov txwjlaug, cov xibfwb, cov ua dlejnum huv tej paab pawg tug thawjcoj. Vim lecaag tsuas muaj pawgntseeg puav txhaj le lug xaav txug cov “Pujntsuag npe”? vim tug dlaabtsi es peb tsuas ho tsi lug ncu txug cov pujntsuag kws muaj yaamntxwv zoo le huv Vaajtswv txujlug rua pawgntseeg? Paulus has txug ntawd yog “cov Pujntsuag”? ntawd puab yog ib cov namtsev kws muaj keeb zoo rua peb cov ntseeg pum hab kawm paub txug, yog le ntawd Paulus txhaj has txug kuas peb yuav tau paub hab paab txug cov pujntsuag kws zoo le ntawd kuas puab tsi xob nyuajsab txug puab lubneej tabsis kuas puab paub txug has txawm yog puab zoo le ntawd lawm los tseem muaj cov ntseeg pum, qhuas hab txhawb puab kev ua neej. Yog le ca peb ua kuas cov namtsev kws yog pujntsuag kws yog cov kws ua tau lubneej le Vaajtswv tug dlejsab, tsim nyog peb qhuas hab fwm nwg moog rua qhov zoo, ca peb txais kev hlub hab ua zoo lug ntawd nwg kws yog ua Vaajtswv txuj koobmoov rua Vaajtswv tsaav tuabneeg kws yog pawgntseeg. Hab ca peb fwm hab saib taug tug namtsev kws tau lawv le Vaajtswv tug dlejsab hab ncaajnceeg txug qhov peb yuav tau txhawbnqaa nwg kuas ca ua qauvzoo huv pawgntseeg!
Kev Thov Vaajtswv
O Vaajtswv kws yog Leejtxwv tug nyob Ceebtsheej, ua koj tsaug kws peb muaj cov namtsev kws nyob huv peb kws puab muaj kev ntseeg, kev ncaajnceeg huv puab tsev tuabneeg, hlub puab tug quasyawg hab hlub cov mivnyuas. Thov koj zaam txim rua peb, thov koj qheb kuv lub qhovmuag sab kuas kuv pum txug tas, muaj cov namtsev zoo txhaj ua rua cov ntseeg muaj tsev tuabneeg zoo huv pawgntseeg. Thov pub kuas cov ntseeg fwm, txhawb, hab tau koobmoov zoo. Huv Yexus lub npe, kuv thov. Amees.