July 19, 2024

July 19, 2024
Nubnuav Nyeem-Kawm Vaajtswv Txujlug

 Nqailug Rua Nubnua

“Thaus mej ua neej nyob nuav yuav nrhav qhov zoo, tsi xob nrhav qhovphem, ces tug Tswv Vaajtswv tug Muaj Fwjchim luj yuav nrug mej nyob, yaam nkaus le mej has tas nwg yog tug muaj sa nyob.”— Amauj 5:14

Xaav Txug Tejlug Rua Nubnua

Ntau yaam kev phem hab tej paabpawg ua phem leeg tas muaj Vaajtswv nrug nyob puab saab.  Tej yaam kws txaus ntshai tau muaj lug rua huv peb cov “Ntseeg”. Yexus has tas, peb tsi ncu txug tuabneeg lug ntawm puab cov txiv. Muaj tejtug ua zoo hab ua rua pum yaam phem tawm huv nwg lug, ua neej nyob kws muaj tug xeebceem zoo, hab xyum ua kev ncaajnceeg, kev zoo hab hlub lwm tug kws muaj Vaajtswv nyob huv nwg. Ca ua tuabzoo kuas paub tseeb qhov zoo kws puab muaj yog yaam zoo ntawm Vaajtswv tshwm huv puab lubneej hab ua tau lub txiv zoo kws puab yeej muaj.  

Kev Thov Vaajtswv

Vaajtswv Tswv  Yexus, Ua tsaag kws koj lug nyob huv kuv lubneej. Vaajtswv tug muaj fwjchim hab leejtxiv tug muaj kev hlub. Thov zaam txim rua lub sijhawm kws kuv tsuas yog pum txug kuv tug kheej zoo xwb. Thov koj tug ntsujplig pub lub fwjchim kuas kuv yog koj tug mivnyuas dlawbhuv thaus kuv ua kuv tug mojyaam rua tuabneeg nplajteb pum. Huv Yexus lub npe, kuv thov Amees.