July 20-21, 2024

July 20-21, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Peb hu cov tuabneeg kws ua sab ntev tiv tej kev tsimtxom has tas cov tuabneeg tau koobmoov. Mej tub nov lawm has tas, Yauj yog tug ua sab ntev, hab mej paub has tas, thaus kawg tug tswv npaaj txhua yaam rua Yauj le caag, rua qhov nwg muaj lub sab taabncuab hab hlub txhua tug. 12Cov kwvtij es, qhov tseemceeb dlua ndlais tug ua txhum ntawd tug ntsujplig; lossis nwg tug ntsujplig. kws kuv has yog le nuav: thaus mej coglug dlaabtsi, mej tsi xob twv ntuj lossis twv teb lossis twv txug ib yaam dlaabtsi twg hlo le. Yaam twg yog, mej ca le has tas, “Yog,” yaam twg tsi yog, mej cale has tas, “tsi yog,” Vaajtswv txhaj yuav tsi rau txim rua mej.” (James 5:11-12)

Xaav Txug Tejlug Rua Nubnua

Yethas yog ibcuab huv kev ncaajncaag/ntseeg: “Kuv has tso tseg txij nuav xwb?  Rua qhov kuv tsi muaj sijhawm txaus yuav has txug Khede-oos, Npalaj, Xaaxoos, Yethas, Daviv, Xamuyees hab cov cev Vaajtswv lug ntau tug … (Henplais 11:32). Nwg yog tug txivneej kws muaj zug, ib tug txivneeg tawv cuag hlau, ib tug txivneej kws tsi kaam tuav tugkheej txug yaav taaglug, ib tug txivneej tsi yeem sub rua cov yeebncuab—hab ibtug txivneej kws nyam ua le nwg cov lug.  Nwg muaj tug mojyaam sis ntsuagzug rua tej yaam teebmeem nyuaj, ruajsab tiv rua tejyaam kev phomsij tsi sib humxeeb, hab kev cog lug rua tej yaam kws taag kev ca sab.

Puas muaj ibyaam dlaabtsi twg kws cov txivneej tavnuav yuav tau kawm paub txug,  Yaam ntawd qhov ceev puab tejlug kws puab has.  Ceev puab tejlug!  Teevnpe 30:2 has tas,  “cov Ixayees tej xeem cov thawjcoj es, 2Yog muaj ib tug txivneej twg coglug tseg rua tug TSWV, lossis nwg coglug has tas, nwg yuav ua ib yaam dlaabtsi twg, ces nwg yuavtsum ua lawv le nwg coglug tseg ntawd, nwg tsi xob rhuav nwg tej lug.” Kev ceev Tejlug Cogtseg yog yaam tseemceeb tshaaj rua Vaajtswv.

Xaav txug tej lug cogtseg kws tuabneeg tau ua. Coob tug tuabneeg lug zwm rua huv pawgntseeg hab cog lug tas yuav ncaajnceeg rua tejlug nwg tim lug, tabsis puab tsi ua lawv le.  Xaav txug cov txivneej kws sawv ntawm hauvntej hab cov lug rua tug nkaujnyaab tas yuav ua ncaajnceeg moog txug nubtuag, tabsis nwg tshuav nwg tej lug cogtseg.  Xaav tug cov tuabneeg tug kws tau coglug rua Yexus Khetos tas, nwg yog puab tug tswv, tabsis puab tsi ceev tej lug puab tau coglug tseg.  Peb yuav ua tsi tau kev coglug ib tsaab huv peb lub plawv huv peb kev coglug rua Vaajtswv. peb yuav tau sawv khov kho rua peb tej lug kws peb tau coglug tseg rua Nwg kuas yog ibpua feem pua!

Kev Thov Vaajtswv

Leejtxiv tug muaj kev hlub ua koj tsaug kws koj txuj kev hlub lug ntawm Yexus!  Kuv paub tas, txawm yuav yog kuv caj kuv tuag los kuv ruaj sab tas lubneej pegsuab yuav nyob nrug koj sau koj lub nroog Ceebtsheej vim Yexus tub kovyeej kev txhum, kev tuag, hab huv tubtuag teb lug lawm. ua koj tsaug kws koj coj kuv rov lug moog tsev lug ntawm koj tau ua rua kuv yaav dlhau lug. Huv Yexus lubnpe Kuv ua koj tsaug hab qhuas koj. Amees.