July 23, 2024
Nubnuav Nyeem-Kawm Vaajtswv Txujlug
Nqailug Rua Nubnua
“Puab qha rua kuv has tas, cov tuabneeg seem hab dlim rov lug nyob huv puab lub qub tebchawb ntawd mas txomnyem kawg le, hab lwm haiv tuabneeg kws nyob ib ncig puavleej ua saib tsi taug puab. Puab qha ntxiv rua kuv has tas lub nroog Yeluxalees tej ntsaayeej kws luas tsoo puag taag, hab tej roojvaag kws luas hlawv kubnyab taag lawm, tseem tsi tau txhimkhu dlua tshab. 4thaus kuv nov tej lug ntawd kuv nyob tsawg hab quaj nyav quaslawg. Kuv nyuajsab hab quaj tau ob peb nub, tsi noj mov. Kuv thov Vaajtswv tug tswV kws yog tug Vaajtswv nyob sau Ceebtsheej!” (Nehemis 1:3-4)
Xaav Txug Tejlug Rua Nubnua
Nehemis thov Vaajtswv rua ibyaam. Vaajtswv txujlug has tas yaam kws nwg pum yog lub sab puagtaag. Koj puas paub yaam dlaabtsi yog qhov yaumkev rua peb najnub nwgnuav? Peb nyam tej yaam kev uasi, kev su, nyajtxag lossis ibyaam ibqhov kws ca le ua rua peb tsi xaav txug Vaajtswv le ntawd. Nehmis quaj rua cov tuabneeg kws nyob rua nwgtam. Thaus lub sijhawm twg yog lub sijhawm koj lub kuas muag poob rua tej tuabneeg kws ca le tso Vaajtswv tseg? Thaus lub sijhawm twg yog lub sijhawm kws tuabneeg ca le tso Vaajtswv tseg? Yaam kws tuabneeg cale muab puab lub sab txaav tawm ntawm Vaajtswv tug muaj fwjchim hab lubsab tsiv dleb ntawm Vaajtswv.
Ibtxhas pav txug pawgntseeg zoo le lub qhovmuag qhuavqhawv rua lub nplajeb nuav. Kuv ceebtoom puab tas tsi xob ua le ntawd. Vaajtswv tseem hlub hab tseem tog kuas puab muaj lub sab rov lug cuag Vaajtswv. Tejzag peb yuav tau has rua Vaajtswv has tas, “Vaajtswv thov koj roo lub sab twmzeem hab muab txuj kev hlub rua kuv dluab.”
Kev Thov Vaajtswv
Leejtxiv tug muaj Fwjchim hab Dlawbhuv, thov zaam txiv rua kuv rua kuv tej kev txhum. Kuv leeg kuv tej kev txhum ntawd rua koj, hab kuv tu sab kws kuv ca le ua yaam kev txhum ntawd. Thov foom koobmoov rua kuv hab kaav kuv kuas kuv paub tig rov lug cuag tau koj, muaj lub sab quajdlis rua koj. Huv Yexus Lub npe, Kuv Thov. Amees.