July 24, 2024
Nubnuav Nyeem-Kawm Vaajtswv Txujlug
Nqailug Rua Nubnua
“O kuv tug Tswv kws yog kuv tug Vaajtswv es, kuv lug cuag koj, thov koj tiv thaiv kuv; thov koj cawm kuas kuv dlim ntawm txhua tug tuabneeg kws caum nteg kuv.”— Phoo Ntawv Nkauj 7:1
Xaav Txug Tejlug Rua Nubnua
Leejtwg lossis yaam dlaabtsi twg nrhav koj? Puas yog yaam dlhau lug koj ua yaumkev? Puas yog tug tau ua yeebncuab nrug koj? Puas yog yaam kws ca le ua rua koj lub zug ntaug? Puas yog yaam kev txhum nyob huv koj ua rua koj? Puas yog ibleeg twg ua rua koj lubcev raug mob? Peb muaj ntau yaam ntau tsaav kws ca le ua rua peb tshai hab noog zoo le yaam ntawd pheej caum peb taagzug. Thaus twg yog lub sijhawm koj nrhav kev thaajyeeb hab kev sis humxeeb huv koj lubneej los tseem muaj teebmeem? Nwg tsuas muaj tuabyaam rua koj kws yuav yog qhovtseeb hab cawm tau koj. Yaam ntawd yog Tug Tswv Vaajtswv! hab nwg tsuas yog tuableeg Vaajtswv txhaj yog tug cawm tau koj hab coj koj tawm lug nkaum rua huv nwg! Tug ntawd yog Yexus Khetos.
Kev Thov Vaajtswv
Txiv Vaajswv, koj yog kuv lub qhovchaws nkaum hab yog qhov keeb huv kuv lub zug luj zug nchaav. Tej nuav muaj tseeb yog has tas, koj tejlug txhawbzug plujlawm, hab kuv tug ntsuj yuav raugmuas. Thov Koj os, Txiv Vaajtswv, thov muab yaam kws yuav yuam kuv hab muaj fwjchim hab kuv cov yeebcuab kws pheej caum kuv taagzug cuag le yuav nteg tau kuv nrhuav povtsegg. Kuv ruajsab lug thov koj hab thov koj kuas koj yog kuv lub qhovchaws nkaum, kuv txhaj tsi ntshais xwmtxheem ntxiv. Huv Yexus lub npe, Kuv thov. Amees.