July 26, 2024
Nubnuav Nyeem-Kawm Vaajtswv Txujlug
Nqailug Rua Nubnua
“Vim le ntawd kuv txhaj qha rua mej has tas: mej tsi xob txhawj has tas mej yuavtsum muaj zaub muaj mov noj txhaj nyob taug lossis yuavtsum muaj tsoogtsho naav txhaj nyob taug. Puas yog txujsa tsimtxaj dlua zaubmov? hab lub cev tsimtxaj dlua tej tsoogtsho?”— Mathais 6:25
Xaav Txug Tejlug Rua Nubnua
Vaajtswv muab rua paaj maab paaj ntoos tawg paaj zoo nkauj nyob rua tej tajnraag. Tej yaam zoo le nuav mas txaus xaav hab txaus kawm paub txug kawg nkaus le. Nwg xaa nwg tuableeg Tub sau Ceebtsheej lug cawm peb, yog le ntawd peb yuav tsum txaus sab hab zoo sab ua yaam zoo lug pauj yaam zoo moog txug nub peb rov moog tsev hab nyob nrug nwg! Ca peb lug saib lub nplajteb kws Vaajtswv tsim lug zoo nkauj npaum lecaag hab kuas ua qhovchaws rua peb ncu txug tas huv nwg txuj kev hlub peb mas tseemceeb tshaaj txhua yaam kws nwg tsim hab nwg ua txhua yaam kuas tsuas yog coj tau peb moog tsev nrug nwg!
Kev Thov Vaajtswv
Leejtxiv tug muaj kev hlub, tug muaj fwjchim kws yog Vaajtswv, thov zaam txim rua kuv rua yaam kuv ntshaws tej yaam kws nyob tsi ruaj tsi khov huv lub nplajteb nuav. Kuv ntseeg has tas, koj muab txhua yaam tsaav rua kuv huv Yexus Khetos, hab tej koobmoov lug ntawm koj tso laublug lug rua huv kuv lubneej. Huv Yexus Khetos lub npe. Kuv thov koj txhawb kuv lubzug kuas kuv ca sab tau rua koj ntau ntau ntxiv. Amees.