August 6, 2024

August 6, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog le ntawd, mej tsi xob pub txujkev txhum kaav mej lub cev kws txawj tuag, rua qhov txujkev txhum yeej yuav ua rua mej ua phem lawv le mej lub sab nyam. Mej tsi xob pub mej lub cev ib qho ua txhum, tsi has lub sab, lub ntsws lossis tej teg taw. tabsis mej yuavtsum muab mej lub cev, lub sab hab lub ntsws huv tuabsi fij rua Vaajtswv siv ua qhovzoo, rua qhov Vaajtswv tub tsaa mej sawv huv qhovtuag rov qaab lug lawm, nwgnuav mej yog neeg tshab. Mej tsi xob pub txujkev txhum kaav mej ntxiv lawm, rua qhov Mauxes txuj Kevcai tsi kaav mej lawm, tabsis Vaajtswv txujkev hlub tub kaav mej lawm.”(Loos 6:12-14)

Xaav Txug Tejlug Rua Nubnua

Yuav ua lecaag rua twg rua tug txivneej kws muaj npuasteb nyob huv nwg thaav aav, hab nwg tseem nteg tsi tau tau. Muaj dlua lwm tug txivneej kuj yuav qha mej txug kev nteg cov npuas ntawd.” Nwg moog hab muab ib cov pobkw pub rua kuas cov npuas ntawd pum hab tawm tom haavzoov lug noj.  Nwg ua laajkaab xov thaaj aav ntawd. Cov npuasteb pum, tabsis nwg tsua ua tug ncej txhu rua xwb, tabsis puab tseem pheej tau noj. Ces lwm tug; hab tomqaab ntawd, nwg tseem ua laajkaab tso xuv hlau xov.

Tomqaab ntawd, taagnrho ceebtsaam muaj laajkaab xov rua tshuav lub roojvaag.  Cov npuas ntawd tseem nkaag ntawm lub roojvaag lug noj cov p ntabkw, hab kuj nteg tau cov npuasteb ntawd. Thawj tug txivneej has tas, “Well, kuv xaav tas koj yuav cuab tsi tau, tabsis koj cuab tau.” Thaus tug txivneej ob has tas, “Kuv yog tswj tsi tau ibyaam ib qhov kws yuav tau cov tsaj ntawm lug ua noj.”   Nuav kuj yog ibzaaj zoo kws yuav lug tswj thaus kawg.  Tabsis zaaj nuav kuj yuav yog zaaj kws coj peb lug pum peb lubneej tej nub?  Koj yuav nrhav zaub mov noj txhua nub tau lecaag?  koj puas pum muaj ntau yaam kws lug tswj koj?

Kev Thov Vaajtswv

Leejtxiv tug muaj fwjchim hab tug Dlawbhuv, thov zaam txim rua kuv tej kev txhum. Kuv paub tas, kuv tau ua txhum hab tej kev txhum ntawd pheej tuav kuv ca kuas kuv tsi xob leeg kuv tej kev txhum rua koj. Thov zaamtxim rua kuv hab  pub koj lub fwjchim lug rua kuv kuas kuv paub nrhav koj hab muab kuv lubneej tig lug cuag koj hab coj kuv kuas kuv paub qhuas koj yaam kws tsimnyog. Huv Yexus lug npe. Kuv thov. Amees.