August 9-10, 2024

August 10-11, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Kuv Cov kwvtij es, thaus mej raug ntau yaam kev nyuajsab mej yuavtsum suav has tas, mej muaj moo. Rua qhov mej tub paub lawm has tas, yog mej ua sab ntev nyaj tej kev nyuaj sab, ces tej ntawd yeej yuav ua rua mej muab sab rau ntseeg heev ntxiv.”(Yaukaunpaus 1:2-3)

Xaav Txug Tejlug Rua Nubnua

Kev ncaws pob yaav dlhau lug, Kuv tau ncaws pobrauj moob. Ibzag kuv ua si, kws yog thawjzag huv kuv lubneej, kuv tau txais tau lub pob hab hab tsi muaj leejtwg nyob ze kuv hab kuv tub ze rua tug zuv nteg pob ntawm lub qhovrooj. Nwg yog ibqhov txhwj xeeb, nuav yog ib nub kws zoo rua kuv. Kuv dlha ceev le ceev le kuv dlha tau. Tabsis ua rua kuv rua dlha hlaa dlhau txujkaab. Thaus kuv pum txuj kaab kws yog tug nrim hab kuv xaav has tas, “ibyaam yog kuv yuav rua ua kuas zoo.  Rua qhov tug tuabneeg dlhau caum kuv qaab ntawd yuav dlha tsi ncaavcuag kuv thaus kuv caws lub pob kuas nkaag lub qhov.” Hab kuv tau hlaa dlhau txujkaab saab nrau. Tabsis koj puas paub tas nws zoo lecaag? nwg tsi yog txujkaab qhov kawg;  nwg tsuas yog txujkaab thib tsib xwb. Kuv yuav moog ncaav tsi txug lub qhovrooj teebtseg vim rua qhov kuv ceev hwv lawm.  txawm le ntawd los tej zag peb tsuas ceev tshaaj le peb yuav nreg tau los kuj muaj.

Koj yuav tsi kawm paub txug qhov thev taug txug thaus kawg, koj yuav tsum xyum kuas koj paub tshaaj qhovntawd,  koj yuav dliv tsi tau suab nkauj Piano yog koj tsi muaj sab ntev ndliv lawv le cov ndli suab zaaj nkauj ntawd.  Koj yuav has tsi tau lug Kili zoo yog has tas, koj tsi ua tuabzoo qug nwg lub suab. Koj yuav poob qaab yog has tas, koj tsi ua sab ntev dlha lawv le txujcai kev dlha. Koj yuav ua tsi tau koj tug xeebceev zoo yog has tas koj tsi ua sab ntev ua le tug xeebceem zoo ntawd ua.   Qhov kev Vaajtswv muab rua peb kev ua sab ntev thev yog muab sijhawm rua peb kuas peb ua sab ntev tau rua hab ca sab rua huv Vaajtswv.

Kev Thov Vaajtswv

Zaam txim rua kuv, Vaajtswv, kuv tug Tswv. Txhwjxeeb yog txuj kev txhum pheej tuaj haubntxag kuv, kuas kuv ua txuj kev phem taagzug. Thov zaamtxim rua kuv tej kev txhum hab thov coj kuv hab foom koobmoov rua kuv kuas kuv ua tau lubneej tuav rawv kev ntseeg. Huv Yexus lub npe, Kuv thov. Amees.