August 20, 2024

August 20, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Qhov kws mej tso Yexus Khetos tug kws hlub mej hab xaiv mej ca lawm tseg sai sai nuav, hab qhov kws mej moog noog lwm zaaj kws tsi yog txujmoo zoo, qhov ntawd ua rua kuv xaav tsi thoob le. Qhov tseemceeb yeej tsi muaj “lwm zaaj kws yog txujmoo zoo le,” tabsis muaj qee leej tuaj ua rua mej ntxhuv, rua qhov puab xaav hloov Yexus Khetos txujmoo zoo. Yog peb ib tug twg lossis ib tug timtswv ceebtsheej twg tuaj qha lwm zaaj kws txawv txujmoo zoo kws peb tub qha rua mej lawm rua mej, ces thov kuas tug ntawd poob rua huv ntujtawg! Yaav taag lug peb tub qha zaaj nuav rua mej lawm, nwgnuav kuv yuav rov qaab qha dlua ib zag rua mej has tas: yog leejtwg tuaj qha lwm zaaj kws txawv txujmoo zoo kws mej tub ntseeg lawm rua mej, ces thov kuas tug ntawd poob rua huv ntujtawg!” Kalatias 1:6-9

Xaav Txug Tejlug Rua Nubnua

Ntau ntau pawgntseeg muaj coob tug tuabneeg yeej tsi tau yug dlua tshab rua qhov puab yeej tsi tau leeg txais yuav Yexus Khetos ua puab tug Tswv.  Puab koom nrug pawgntseeg tabsis tsi yog koom nrug Yexus; puab paub pawgntseeg, tabsis puab tsi paub Yexus Khetos tag tag, puab ua lawv le txujcai tabsis puab tsi ua lawv le Yexus tej lug qha, puab tuaj sis ntsib huv lub tuamtsev, tabsis tsi yog tuaj qhuas Yexus Khetos.

Koj puas paub Yexus Khetos?  Thaus kuv qha tas kuv yog tug Ntseeg, kuv xaav kuas koj paub tseeb tas, Yexus txhaj yog tug tseeb kws yog kuv tug Tswv hab kuv tug Vaajtswv rua kuv.  Peb ntseeg Txujmoo Zoo tsi yog laam leeg coj txujmoo zoo.  Rov qaab moog rua huv Paulus sau txug tej nuav tas, tsi yog peb yuav coj lawv le kaabke teevtam le muaj ntau ntau tug vaajtswv.  Qhovtseeb, yog koj moog rua huv nroog Loos, koj kuj yuav muaj feem tau moog saib lub tsev “Pantheon” kwsqhovchaws kws luas khaws tej vaajtswv lossis mlom ca ua keebkwm kev ntseeg muaj nyob nplajteb kev ntseeg nyob rua huv. Nwg yog lub tsev kws zoo nkauj kws luas teeb tej mloom  hab tej vaajtswv ntau kawgnkaus rua huv hab koj muaj sijhawm yuav hawm tug twg los tau.  Ntawd txhaj yog qhov ua rua txhua tug kws moog rua huv zoo sab.

Lub Nroog Loo tsi yog ib qhovchaws kws muab tej kev ntseeg rhuav povtseg; nwg tsuas yog muab txhua yaam vaajtswv lossis mlom tuaj tso rua huv kuas tuabneeg txaus sab rua thaus puab tuaj moog pum. Tabsis nyob huv kuj yuav tsi yog ib qhovchaw kws muaj Yexus Khetos. nwg tsi yog “Yexus hab”; nwg tsi yog “Yexus lossis “; tsuas yog Yexus tuableeg” txhaj yog Vaajtswv.

Kev Thov Vaajtswv

Fwm txug Vaajtswv tug muaj sa zeeg nyob, ua koj tsaug rua Yexus tej lug cogtseg tas, yog kuv fwj koj hab leeg kuv tej kev txhum rua nwg nyob huv lub nplajteb, kuj yog kuv fwm nwg tug kws nyob moog ibtxhis kws nwg nrug tau kuv nyob. Yog lub sijawm lug txug thov kuas kuv sawv khov kho rua ntawm koj lub xubndlag. Huv Yexus lub npe, kuv ua tsaug hab qhuas koj. Amees.