Hmong Baptist National Association

August 23, 2024

—

by

HBNA Editor
in

August 23, 2024
Nubnuav Nyeem-Kawm Vaajtswv Txujlug

 

Nqailug Rua Nubnua

“Nuav yog yaam kuv paub lug ntawm ntawm mej: qhov kws Vaajtswv pub nwg tug Ntsujplig rua mej, vim mej xyum coj lawv le txuj Kevcai lossis vim mej nov hab ntseeg txujmoo zoo? ua le caag mej yuav ruag ua luaj le! thaus chivthawj mej tub ua lawv le Vaajtswv tug Ntsujplig qha rua mej lawm, tabsis nwgnuav mej tsua yuav siv mej tug dlaag tug zug ua kuas tej ntawd tav los? Ib puas tsaav yaam kws Vaajtswv paab mej lawm txawm, tsi muaj nqes rua mej le los? Yeej muaj lossav! Kalatias 3:2-4

Xaav Txug Tejlug Rua Nubnua

Kev taabncuab hlub yog khoom pub lug ntawm Vaajtswv.  Koj yuav tsi cawm dlim lug ntawm kev moog pehawm Vaajtswv, ua kevcai rausdlej, ua cov hu nkauj, ua tug muab lug qhuabqha, lossis tuaj rua huv lub tuamtsev.  Koj tau dlawbdlo lug ntawm Vaajtswv nploojsab hlub huv koj kev ntseeg.  Nwg yog yaam kws tsi yog khwv tau.  Ua num cawm tsi tau hab ua num paab tsi tau.  Loos 11:6 has, “Vaajtswv xaiv tuabneeg tseg ca ua nwg tug tsi yog vim tuabneeg ua dlejnum zoo, tabsis vim Vaajtswv hlub xwb. Yog tuabneeg ua dlejnum zoo es Vaajtswv xaiv, tes yeej tsi yog Vaajtswv hlub puab tag.”   

Vaajtswv kev hlub tsi yog yuav yog tuabqhov kev cawm koj xwb, nwg tseem pub kev nyob kaajsab lug.  Koj puas paub vim lecaag koj txhaj muaj kev nyob nyaabxeeb moog ibtxhis? Rua qhov koj raug cawm lug ntawm kev taabncuab hlub. Nwgnuav, yog koj raug cawm lug ntawd qhov ua haujlwm zoo hab yog koj tsuas tsi ua qhov haujlwm moog ntxiv lawm nuav ho yuav zoo lecaag! Koj yuav nplaam koj kev cawm dlim lawm. Tabsis kev taabncuab hlub yuav tsi nplaam moog ibzag le. Nuav txhaj yog le Paulus has huv Kalatias 3:3. Tug Ntsujplig kws cawm koj yog tug Ntsujplig yuav muab qhov zoo rua koj hab coj koj txhua txuj xub kev txawm yuav yog koj moog es txomnyem lossis tau zoo.

Kev Thov Vaajtswv

Txiv, tug nyob sau Ceebtsheej, kuv ua koj tsaug, tsi muaj yaam dlaabtsi lug pevtau koj txuj kev ua zoo hab kev taabnucab hlub kuv — txuj koobmoov lug ntawm Ntsujplig Dlawbhuv ua lub zug rua kuv. Huv Yexus lub npe, hab lug ntawm Ntsujplig Dlawbhuv pheej kub sab lug thov, kuv ua koj tsaug hab qhuas koj os kuv Txiv. Amees.