August 26, 2024

August 26, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Vim tsi muaj tuabneeg ua tau zoo, tej kevcai txhaj paab tsi tau puab, tabsis Vaajtswv paab tau. Qhov kws Vaajtswv khaiv Vaajtswv tug Tub lug huv nplajteb nuav, tub yog Vaajtswv rau txim rua tej kev txhum kws tuabneeg najnub ua. Vaajtswv tug tub ntawd lug yug ua tuabneeg, nwg paub qhovphem qhovzoo ib yaam le peb cov kws yog tuabneeg txhum paub. Nwg lug yug ua tuabneeg nwg txhaj le theej tau tuabneeg lub txhoj. Vaajtswv ua le ntawd kuas peb ua tau lawv le Vaajtswv txuj kevcai ncaajnceeg. Peb ua tau, rua qhov peb ua peb lub neej lawv le tej kevcai kws tug Ntsujplig qha, peb tsi ua lawv le tej kws peb lub sab qub qha”.— Loo 8:3-4

Xaav Txug Tejlug Rua Nubnua

Zoo sab ua tsaug tsi txawj taag, qhov kws Vaajtswv muab ob qhov khoom pub rua peb tavlog lawv le txujcai kev ncaajnceeg, kws txujcai muab tsi tau rua peb. Qhovib, nwg muab rua peb kuas peb muaj kev dlim tau ntawm txuj txhum lug ntawm nwg —tug Tub Yexus —  kev zaam txim, ntxuav, hab txhiv peb tawm ntawm peb kev txhum. Qhovob, nwg muab nwg tug Ntsujplig lug tsomkwm peb kuas peb ua tau lubneej le kws nwg xaav kuas peb ua.  Vaajtswv muaj dlua ib txuj kev coglug tshab kws txujcai hab cov cev Vaajtswv lug cogtseg taabtom lug. Qhuas Vaajtswv rua nwg kev npaaj, nwg kev coglug, hab nwg cov khoom pub!

Kev Thov Vaajtswv

Txiv tug nyob sau Ceebtsheej, Koj yog tug muaj sab dlawb sabzoo hab muab yaam zoo tshaaj lug ntawm koj tug Tub hab qhov koobmoov ntawm tug Ntsujplig Dlawbhuv lug nroograwv peb. Huv Yexus lub npe, hab ntawm tug Ntsujplig Dlawbhuv pheej thov tujtawg tsi tu. Kuv qhuas hab ua koj tsaug, os Txiv. Amees.