August 27, 2024

August 27, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Tej zaubmov yeej paab tsi tau kuas peb muab sab rau ntseeg Vaajtswv ntxiv; txawm yog peb noj lossis tsi noj los yeej tsi ua rua peb muab sab rau ntseeg ntxiv. Txawm yog le caag los puamchawj, mej yuavtsum ceevfaaj nyob tsaam mej cov kws muaj cuab kaav noj yaam nua yaam u ua rua cov kws muaj kev ntseeg tsawg xaav yuamkev.”—1 Kauleethaus 8:8-9

Xaav Txug Tejlug Rua Nubnua

Tej kws Yexus hab Paulus ntuag txug kev nojhaus yuav coj tsi tau peb lug nyob ze Vaajtswv lossis yuav ua rua peb nyob dleb Vaajtswv—nwg tsuas yog lug ntawm peb lub sab ntshaws noj ntshaws haus (Malakaus 7:14-23;  Kaulauxais 2:16). Obtug tej lug qha txhais tas peb muaj kev ywjpheej rua peb kev noj hab haus huv nqaab Yexus Khetos txuj kev hlub. Txawm le caag los sij, peb kev ywjpheej yuav tsi muab lossis muab rua peb kuas muaj cai rhuav peb cov kwjtij lossis muam kuas muaj sab rau ntseeg huv Vaajtswv. Peb tsi muaj cai coj puab moog ua txhum lossis ua co pob txug peb kev noj hab haus. Ca peb txuj kev ywjpheej ua rua peb thimxaav, txhwjxeeb rua peb cov kwvtij hab muam ntseeg tshab huv Yexus. Cov ntseeg tshab puab tog quasnroov peb txhawb puab lubdlaag lubzug huv txuj kev ntseeg. Ca peb lug tsom saib huv peb lub plawv  — yaam dlaabtsi txhawb kuas peb ua lossis tsi xob ua, hab yaam dlaabtsi peb xaiv has, xaiv noj, hab xaiv haus. Ca peb ncu txug, yaam dlaabtsi los sijpeem yog has tas yaam ntawd tsi yog lug ntawm kev ntseeg yaam ntawd yuav coj peb moog poob rua kev txhum (Loo 14:22-23).

Kev Thov Vaajtswv

Vaajtswv tug muaj kev hlub, thov paab kuas kuv muaj lub zug hab ua tau tug qauvzoo rua cov ntseeg tshab hab rua cov kws tseem muaj kev ntseeg tsawg. Thov os, tug Ntsujplig Dlawbhuv, muab lub tswvyim hab kev txawjntse lug tivthaiv kuv lubneej yaam kws yog tug qauv tsi zoo rua lwm tug. Huv Yexus lub npe. Kuv thov. Amees.